राँची, 15 नोभेम्बर (हि.स.)। प्रधानमन्त्री नरेन्द्र मोदी हिजो मङ्गलवार राती झारखण्डको राजधानी राँची आइपुगेका छन्। राँचीमा उनलाई अभूतपूर्व स्वागत गरियो। सड़कहरूमा प्रधानमन्त्रीलाई अभिवादन गर्नका लागि जनसमुद्र उर्लिएको थियो। प्रधानमन्त्रीले यसको लागि हिजो राती नै आभार व्यक्त गर्दै एक्समा खुशी व्यक्त गरे। उनले भने, राँचीमा यति राती पनि मेरा परिवारजनहरूले ठूलो संख्यामा आएर जसरी मलाई आशीर्वाद दिए त्यो अभिभूत पार्ने किसिमको छ। प्रधानमन्त्री आज पनि झारखण्डमै छन्।
यसबीच आज (बुधवार) बिहान प्रधानमन्त्री मोदीले देशवासीहरूलाई भैया दूजको बधाई दिएका छन्। प्रधानमन्त्रीले एक्समा भनेका छन्, भाइ दूज चेली-माइतीको पवित्र सम्बन्धको प्रतीक पर्व हो। देशभरिका आफ्ना परिवारजनहरूलाई यस पावन-पुनीत अवसरमा हार्दिक शुभकामना। प्रधानमन्त्रीले झारखण्डको स्थापना दिवसको उपलक्ष्यमा पनि राज्यको उज्जवल भविष्यको कामना गरेका छन्।
उनले भने, झारखण्ड आफ्नो खनिज सम्पदाहरूसँगसँगै जनजातीय समाजको वीरता, शौर्य, स्वाभिमानको लागि सुविख्यात रहिआएको छ। यहाँका मेरा परिवारजनहरू देशको उन्नतिमा अहम योगदान दिएका छन्। राज्यको स्थापना दिवसमा म उनीहरूलाई आफ्नो शुभकामा दिन्छु। प्रधानमन्त्रीले भगवान बिरसा मुण्डालाई उनको जयन्तीमा आदरपूर्ण श्रद्धाञ्जलि अर्पण गरेका छन्। उनले भनेका छन्, देशभरिका मेरा परिवारजनहरूलाई यस विशेष अवसरसित जोड़िएको जनजातीय गौरव दिवसको धेरै-धेरै शुभकामना।
हिन्दुस्थान समाचार/उष्णता
