पटना, 05 दिसम्बर (हि.स.)। आईएनडीआईए गठबन्धनको बुधवार राष्ट्रिय राजधानी दिल्लीमा सम्पन्न हुने बैठकमा बिहारका मुख्यमन्त्री नीतीश कुमार सामेल हुने छैनन्। यो बैठ कङग्रेस अध्यक्ष मल्लिकार्जुन खड़गेले डाकेका हुन्। बैठकमा भर्खरै घोषित पाँचवटा राज्यहरूको चुनाउ परिणाममाथि मन्थन अनि आगामी रणनीतिमाथि चर्चा हुनेछ।
विपक्षी गठबन्धनका सूत्रधार नीतीश कुमारले आफू अस्वस्थ रहेका कारण दिल्ली नजाने फसेला गरेका छन्। यस बैठकमा राजद सुप्रीमो लालू प्रसाद, तेजस्वी यादव अतिरिक्त जदयूका राष्ट्रिय अध्यक्ष ललन सिंह र मन्त्री सञ्जय झा सामेल भइरहेका छन्। महत्वपूर्ण मानिएको सो बैठकमा संयोजकको नाम सहित सीट बाँड़फाँड़माथि चर्चा हुने सम्भावना छ।
पाँच राज्यहरूमा गठबन्धनमा सामेल दलहरूले अलग-अलग रूपमा चुनाउ लड़ेका थिए। क्षेत्रीय दलहरूको मान्यतामा यसै कारणले तीनवटा राज्यहरूमा भाजपा विजय भएको हो। जदयू र राजदको स्पष्ट भनाइ छ, कङ्ग्रेस आफ्नो हारको लागि आफै जिम्मेवार छ। मिलेर चुनाउ लड़िएको भए परिणाम अर्कै हुन्थ्यो। नीतीश कुमारको पहलमा भाजपालाई केन्द्रबाट सत्ताच्युत पान गठन गरिएको यस गठबन्धनमा पाँचवटा राज्यहरूको चुनाउमा सीट बाँड़फाँड़लाई लिएर कङ्ग्रेसले मौनता अङ्गालेको थियो।
गत केही दिनअघि नीतीश कुमार स्वयंले रोष व्यक्त गरेका थिए। उनले भनेका थिए, हामीहरू कङ्ग्रेसलाई जिताउनका लागि काम गरिरहेका छौं, तर कङ्ग्रेसलाई भने विपक्षी गठबन्धनसित कुनै सरोकार छैन।
हिन्दुस्थान समाचार/उष्णता
