द्वारका, 24 दिसम्बर (हि.स.)। गुजरातको द्वारकामा नागेश्वर रोडस्थित रूक्मिण मन्दिर नजिक नन्दगाउँमा आहीर समाजका महिलाहरूले आइतवार बिहान 8 बजे अखिल भारतीय महारास सङ्गठनको कार्यक्रममा रेकर्ड बनाए। 37 हजारभन्दा अधिक महिलाहरूले पारम्परिक परिधानमा सजिएर आहीराणी महारास गरे। देश-विदेशका हजारौं मानिसहरू यस अनौठो कार्यक्रमको साक्षी भए।
समाजका हजारौं महिलाहरूले एकसाथ पारम्परिक पहिरण औ नवलखी चुँदड़ीको साथमा गलामा सुनका आभूषणहरू लगाएर यस महारास कर वर्ल्ड रेकर्ड बनाए। यसको आनन्द उठाउनका लागि अमेरिका, क्यानडा, अस्ट्रेलिया, दक्षिण अफ्रिका औ दुबईबाट मानिसहरू यहाँ आएका थिए। बिहान 5 बजेदेखि नै मानिसहरू यहाँ आउन शुरू गरेका थिए। सर्वप्रथम ब्रह्मकुमारी दीदीले व्याख्यान दिइन्। त्यसपछि मैदानमा धर्मको झण्डा अनि तिरङ्गा उत्तोलन गरियो।
आहीर समाजका महिलाहरूले महारास गरबा गरेर रासस्वरूप द्वारकाधीश भगवान श्रीकृष्णको चरणमा अर्पण गरे। दाबी गरिएको छ, द्वारकाको आँगनमा यो विश्व रेकर्ड हो। भगवान श्रीकृष्णले गोपीहरूसित गरेका व्रजको रास विश्वविख्यात छ। द्वारकामा भगवान श्रीकृष्णकी पुत्रवधु (बुहारी) तथा बाणसुरकी पुत्री उषाले रास खेलेका थिए। त्यहीँबाट गुजरातमा गरबा शुरू भएको थियो।
लोक किंवदन्ती अनुसार लगभग 550 वर्षपूर्व कच्छका व्रजवाणीमा आहीर समाजका महिलाहरूसित श्रीकृष्ण रास खेल्ने ढोलीको रूपमा आएका थिए। यिनकै स्मृतिमा महारासको आयोजन गरिएको हो।
हिन्दुस्थान समाचार/उष्णता
