देहरादून, 09 दिसम्बर (हि.स.)। भारतीय सैन्य अकादमी (आईएमए)-बाट शनिवार 372 जना क्याडेट पास आउट भए। यीमध्ये 343 जना भारतीय सेनाको अङ्ग बन्नेछन्। 12 वटा मित्र देशहरूका 29 जना क्याडेट पनि पास आउट भए। पासिङ्ग आउट परेडको सलामी श्रीलङ्काका सीडीएस जनरल डा. शिवेन्द्र सिल्वाले ग्रहण गरे। पासिङ्ग आउट परेजलाई मध्यनजर गर्दै अकादमीको वरपर सुरक्षाको कड़ा बन्दोबस्त गरिएको थियो।
परेडमा भाग लिने आत्मविश्वास अनि जोशले परिपूर्ण जेन्टलम्यान क्याडेट्स भारतीय सैन्य अकादमीको ऐतिहासिक चेटवुड भवन सामु ड्रिल स्क्वायरमा बिहान नौ बजे आइपुगेका थिए। निरीक्षण अधिकारी श्रीलङ्काका चीफ अफ डिफेन्स स्टाफ जनरल शिवेन्द्र सिल्वाले शौर्य मार्गदेखि परेड स्थलमा पुगेर सलामी लिए। त्यसपछि निरीक्षण अधिकारीले बिहान 9:04 बजे परेडको निरीक्षण गरे। उनीसित आजका परेड कमाण्डर मोहित बेनवाल पनि उपस्थित थिए। परेडमा सामेल क्याडेट्सले विजय भारतको धुनमा मार्च गरे।
यी युवा सैन्य अधिकारीहरूमाथि हेलिकप्टरद्वारा पुष्प वर्षा गरियो। परेडपछि आयोजित पीपिङ्ग अनि ओथ सेरमनी पश्चात पासिङ्ग आउट ब्याचका 372 जेन्टलम्यान क्याडेट देश-विदेशका सेनामा अधिकारीको रूपमा सामेल भए जसमध्ये 343 युवा सैन्य अधिकारीहरू भारतीय थलसेनालाई दिइयो।
यिनीहरूलाई प्राप्त भयो अवार्ड:
प्रतिष्ठित स्वर्ड अफ अनर बीयूओ गौरव यादव, अर्डर अफ मेरिटमा प्रथम स्थान हासिल गर्ने अधिकारी क्याडेटको लागि स्वर्ण पदक बीयूओ गौरव यादव, अर्डर अफ मेरिटमा दोस्रो स्थान हासिल गर्ने अधिकारी क्याडेटको लागि रजत पदक बीयूओ सौरभ बधानी, अर्डर अफ मेरिटमा तेस्रो स्थान हासिल गर्ने अधिकारी क्याडेटको लागि काँस्य पदक बीयूओ आलोक सिंह, तकनिकी स्नातक पाठ्यक्रमबाट मेरिट क्रममा प्रथम स्थान प्राप्त गर्ने अधिकारी क्याडेटको लागि रजत पदक ओसी अजय पन्त, मैत्रीपूर्ण विदेशी देशबाट अर्डर अफ मेरिटमा प्रथम स्थान प्राप्त गर्ने अधिकारी क्याडेटको लागि बङ्गलादेश पदक ओसी शैलेश भट्टा (नेपाल)-लाई, शरद ऋतु अवधि- 2023 को लागि 12 कम्पनीमाझ समग्र रूपले प्रथम स्थान पाएकोमा कोहिमा कम्पनीलाई चीफ अफ आर्मी स्टाफ ब्यानरद्वारा सम्मानित गरियो।
372 क्याडेटस भए पास आउटः
यसपालि 27 वटा राज्यहरूका क्याडेट पीओपीमा सामेल भए। भारतीय सैन्य अकादमी (आईएमए)-बाट शनिवार पास आउट भएका 372 मध्ये 343 भारतीय सेनाको अङ्ग बन्नेछन् भने 12 मित्र देशहरूका 29 क्याडेट पनि पास आउट भए। जेन्टलम्यान क्याडेट्सहरूमध्ये 68 जीसी उत्तर प्रदेशबाट छन्, दोस्रो स्थानमा उत्तराखण्डका 42 जीसी पासिङ्ग आउट भए। यसको साथै महाराष्ट्रबाट 28, बिहारबाट 27, हरियाणाबाट 22, पञ्जाबबाट 20, कर्णाटकबाट 11, हिमाचल प्रदेशबाट 14, जम्मू कश्मीरबाट 10, पश्चिम बङ्गाल र केरलबाट 9- 9, दिल्लीबाट 8, मध्य प्रदेश, झारखण्ड, उड़ीसाबाट 5-5, आन्ध्र प्रदेश, तमिलनाडु र नेपाली मूलका भारतीय 4-4, नयाँ दिल्ली अनि गुजरातबाट 2-2, तेलङ्गाना, मेघालय, मणिपुर, असम र अरूणाचल प्रदेशबाट 1-1 क्याडेट सामेल छन्।
मित्र देशहरूका 29 जेन्टलम्यान क्याडेट्स पास आउट भए:-
यसपालि 12 मित्र देशहरूका कुल 29 जेन्टलम्यान क्याडेट्स पासिङ्ग आउट हुए। यसमा भूटानका 9, मालदीव्स र श्रीलङ्काका 4-4, मरीशसका 3, नेपालका 2, बङ्गलादेश, ताजिकिस्तान, म्यान्मार, सूडान, कजाकिस्तान, तुर्कमेनिस्तान र उज्बेकिस्तानका 1-1 जीसी पास आउट भए।
आईएमए स्थापना भएदेखि आजसम्ममा यहाँबाट 65234 देशी अनि विदेशी क्याडेट्स पास आउट भइसकेका छन्। आईएमएलाई अहिलेसम्ममा 2914 विदेशी क्याडेट्सलाई ट्रेनिङ्ग दिएको गौरव हासिल भएको छ। यस अवसरमा जीओसी-इन-सी कमाण्ड वेस्टन लेफ्टिनेन्ट जनरल मनोज कुमार कटियार, आईएमएका लेफ्टिनेन्ट जनरल कमाण्डेन्ट वीके मिश्रा, उपसमादेशक औ मुख्य परिशिक्षक आलोक जोशी, लेफ्टिनेन्ट जनरल गजेन्द्र सिंह सन्धू उपस्थित थिए।
हिन्दुस्थान समाचार/उष्णता
