कन्नौज, 26 दिसम्बर (हि.स.)। उत्तर प्रदेशको कन्नौज जिल्ला अधिनस्थ विशनगढ़ थाना क्षेत्रको धरनी धीरपुर गाउँमा गए सोमवार साँझ ग्याङ्गस्टरसित भएको भिड़न्तमा घाइते सिपाहीको मृत्यु भयो। पुलिसले भिड़न्तको क्रममा हिस्ट्रीशीटरलाई उसको छोरासितै पक्राउ गऱ्यो।
अधिकारीले बताए, पुलिस टीम एकजना हिस्ट्रीशीटरलाई पक्राउ गर्न गएको थियो। हिस्ट्रीशीटरले आफ्ना पत्नी र छोरासित मिलेर घरभित्रैबाट पुलिस टीममाथि गोली चलायो। यस अवधि भएको भिड़न्तमा उपद्रवीको गोली लागेर पुलिसका एकजना सिपाही घाइते भए। तिनलाई अस्पतालमा भर्ती गराइएको थियो जहाँ तिनको मृत्यु भयो।
पुलिस अधीक्षक अमित कुमार आनन्दले मङ्गलवार बताए, हिस्ट्रीशीटर मुन्ना यादवमाथि डकैती, लूट औ ग्याङ्गस्टर समेत 20 भन्दा अधिक मुद्दाहरू दर्ता छन्। मुन्ना यादव गए सोमवार आफ्नो घरमा आएको सूचना एकजना सुराकीबाट प्राप्त भएको थियो। त्यसपछि छिबरामऊ र विशनगढ़ थानाको पुलिस टीमले साँझ चार बजे उसको घरलाई घेराबन्दी गऱ्यो। घटनास्थलमा पुलिस टीम पुग्नअघि हिस्ट्रीशीटरले कुनै प्रकारको गतिविधि गरेन, तर जस्तो टीम घर नजिक पुग्यो त्यस्तै छतबाट फायरिङ्ग गर्न थाल्यो जसमा कन्स्टेबल सचिन राठी जाँघमा गोली लागेर घाइते भए। घाइते कन्स्टेबललाई छिबरामऊ अस्पतालमा भर्ती गराइयो। भिड़न्त हुँदाहुँदै पुलिसले हिस्ट्रीशीटर मुन्ना यादवलाई उसको छोरासितै पक्राउ गऱ्यो। मुन्ना यादव र उसको छोराको खुट्टामा गोली लागेको छ। दुवैलाई छिबरामऊको अस्पतालमा भर्ती गरिएको छ।
यता घाइते कन्स्टेबल सचिनलाई छिबरामऊ अस्पतालदेखि कानपुरको रिजेन्सी अस्पतालमा पुऱ्याइयो जहाँ राती एक बजे उपचारको क्रममा उनको निधन भयो। वीरगति प्राप्त सिपाही सचिन राठीको पार्थिव शरीरलाई कन्नौज पुलिस लाइनमा सलामी दिइनेछ।
सिपाही सचिन राठी मूलरूपले मुजफ्फरनगरका वासिन्दा हुन् भने उनी वर्ष 2019- मा उत्तर प्रदेश पुलिसमा भर्ती भएका थिए। उनको आगामी वर्षको 5 फरवरीमा विवाह हुने निश्चित भएको थियो।
हिन्दुस्थान समाचार/उष्णता
