दार्जीलिङ, 26 दिसम्बर (हि.स.)। हाम्रो पार्टी अध्यक्ष अजय एडवर्डको पिता जोन बोनिफेसको आज, मंगलवार बिहान 3:55 मा निधन भएको छ। एडवर्डले आफ्नो आधिकारिक फेसबुकमा उक्त जानकरी गराएका छन्।
एडवर्डले आफ्नो फेसबूकमार्फत् उक्त जानकारी दिँदै लामो समयदेखि बिरामी रहेका उनका पिता जोन बोनिफेसको आज बिहान लगभग ३.५५ बजी निधन भएको बताएका छन्। उनका पिताले हिजो सम्पूर्ण परिवारसँग क्रिसमस गेट टुगेदरको आयोजना गरेको थप बताउॅंदै परिवारलाई उहाँको जीवनको उपहारको लागि ईश्वरलाई धन्यवाद दिएका छन्। उनले भनेका छन्, ‘हामीलाई थाहा छ कि ईश्वरले उहाँलाई स्वर्गमा लैजानुभएको छ।’
हाम्रो पार्टी अध्यक्ष अजय एडवर्डको पिताको निधनमा गोर्खाल्याण्ड क्षेत्रीय प्रशासनको मुख्य कार्यपाल अनित थापाले आफ्नो फेसबुक पेजमार्फत् गहिरो शोक समवेदना प्रकट गरेका छन्। उनले शोकित परिवारप्रति गहिरो शोक समवेदना प्रकट गर्दै अजय एडवर्डका पिता एकजना असल इन्टरपेनर र जनसेवक थिए भनी बताएका छन्।
हिन्दुस्थान समाचार/ हनोक
