कोलकाता, 28 नोभेम्बर (हि.स.)। कोलकाताको धर्मतल्ला क्षेत्रमा केन्द्रिय गृहमन्त्री अमित शाहरको जनसभा भोली (बुधवार) हुनेछ। यसको तयारीहरू अन्तिम चरणमा छ। प्रदेश भाजपा अध्यक्ष सुकान्त मजूमदारले भने, धर्मतल्लामा केन्द्रिय गृहमन्त्रीको जनसभाको निम्ति 60 फीट चौड़ा त्रिस्तरीय मंच तयार गरिन्दैछ। मंचमा केन्द्रिय गृहमन्त्री अमित शाहको साथ केन्द्रिय ग्रामीण विकास मन्त्री गिरिराज सिंह र राज्यमन्त्री निरन्जन ज्योति हुनेछन्। सुरक्षाको ठोस व्यवस्था भइरहेछ। मंचमा नेता प्रतिपक्ष शुभेन्दु अधिकारी पनि हुनेछन्। यस मंचदेखि केही टाढ़ा बंगाल भाजपाका ठूला नेताहरू हुनेछन्। उनीहरूका लागि 35 फीटको एक छुट्टै ठाउँ बनाइएको छ।
यस मंचमा तिनीहरूलाई बसाइनेछ, जो साँच्चैमा केन्द्र सरकारको महत्वाकांक्षी 100 दिनको रोजगार गारन्टी योजनाको अधिकारी हुन्, तर उनीहरूलाई राज्य सरकारको तर्फबाट सामेल गरिएको छैन। यसबीच अमित शाहको सुरक्षामा तैनात रहने केन्द्रिय बलहरूका जवान दुई दिन अगावै कोलकाता पुगिसकेका छन्। पुलिसको साथ तालमेल गरी वरिपरिका बिल्डिङहरूमा सुरक्षा व्यवस्था दुरुस्त गरिएको छ। यसमा कोलकाता पुलिसका पनि दक्ष जवानहरूलाई तैनात गरिएको छ।
सत्तारूढ़ पार्टी तृणमूल कांग्रेसले न केवल आफ्ना कार्यकर्ताहरूको नाम मनरेगाको सूचीमा सामेल गरेको छ तर त्यसमापनि जहाँ 10 जनाले काम गर्छन्, त्यहाँ 20 जनाको सूची बनाएर केन्द्रिय फण्डको दुरूपयोग गरिएको आरोप छ। जनसभामा यी मुद्दाहरूलाई उठाउने पूरै सम्भावना छ।
हिन्दुस्थान समाचार/भवानी
