गुवाहाटी, 08 नोभेम्बर (हि.स.)। हिन्दुहरू र नामघरहरूको विरोधमा अपमानजनक टिप्पणी गरेको आरोपमा कांग्रेस विधायक आफताब उद्दीन मोल्लालाई पुलिसले पक्राउ गरेको छ। उनलाई दिसपुर एमएलए होस्टेलको एउटा ब्लकस्थित एक अन्य कांग्रेस विधायक वाजेद अली चौधरीको विधायक आवासबाट मंगलवार राति पक्राउ गरिएको हो।
विधायक आफताब विरूद्ध राजधानीको भेटापाडा क्षेत्रका दिपक कुमार दासले दिसपुर थानामा प्राथमिकी दर्ता गरेका थिए। उक्त प्राथमिकीको आधारमा विधायकलाई पक्राउ गरिएको हो। विधायक विरूद्ध राज्यका विभिन्न स्थानहरूमा प्राथमिकी दर्ता गर्ने क्रम जारी छ।
उल्लेखनीय छ, आरोपित विधायकले दुई दिनअघि हिन्दुहरू व्यभिचारी र नामघरहरू कलात्कारी हुन्छन् भनी बयान दिएका थिए। उनको बयानपछि राज्यका विभिन्न दल र संगठनहरूले विधायकलाई पक्राउ गर्नुपर्ने माग गरिरहेका थिए। कांग्रेसले पनि विधायकलाई कारण बताउ नोटिस जारी गरेको छ।
हिन्दुस्थान समाचार/भवानी
