મેલબોર્ન, નવી દિલ્હી, 30 ડિસેમ્બર (હિ.સ.) ઓસ્ટ્રેલિયાના ફાસ્ટ બોલર મિચેલ સ્ટાર્કે આંતરરાષ્ટ્રીય ક્રિકેટમાં 650 વિકેટ પૂરી કરી લીધી છે. 33 વર્ષીય સ્ટાર્કે પ્રતિષ્ઠિત મેલબોર્ન ક્રિકેટ ગ્રાઉન્ડ (એમસીજી) ખાતે, ઓસ્ટ્રેલિયા અને પાકિસ્તાન વચ્ચે રમાયેલી બીજી ટેસ્ટમાં આ સિદ્ધિ મેળવી હતી.
પ્રથમ દાવમાં કોઈ વિકેટ ન લીધા પછી, સ્ટાર્કે બીજી ઈનિંગમાં શાનદાર પ્રદર્શન કર્યું, તેણે 13.2 ઓવરમાં 4.10ના ઈકોનોમી રેટથી 55 રનમાં 4 વિકેટ ઝડપી, પાકિસ્તાનના 317 રનના લક્ષ્યાંકથી 79 રન ઓછા રહી ગયા.
263 આંતરરાષ્ટ્રીય મેચોમાં, સ્ટાર્કે 25.35ની એવરેજથી 651 વિકેટ લીધી છે, જેમાં 6/28ના સર્વશ્રેષ્ઠ પ્રદર્શન છે. આંતરરાષ્ટ્રીય ક્રિકેટમાં તેના નામે 23 વખત પાંચ વિકેટ અને બે વખત દસ વિકેટ લેવાનો રેકોર્ડ છે. તે ઓસ્ટ્રેલિયાનો ચોથો સર્વાધિક વિકેટ લેનાર બોલર છે, જેમાં ટોચ પર મહાન સ્પિનર શેન વોર્ન (1,001) છે.
84 ટેસ્ટ મેચોમાં, સ્ટાર્કે 6/50ના શ્રેષ્ઠ પ્રદર્શન સાથે 27.53ની એવરેજથી 342 વિકેટ લીધી છે. તેના નામે ટેસ્ટમાં 14 વખત પાંચ વિકેટ અને બે વખત દસ વિકેટ લેવાની સિદ્ધિ છે. તે ટેસ્ટમાં સૌથી વધુ વિકેટ લેનાર પાંચમા ક્રમે છે, જેમાં વોર્ન (708 વિકેટ) ટોચ પર છે.
સ્ટાર્કે 121 વન-ડે મેચો પણ રમી છે, જેમાં 22.96 ની એવરેજથી 236 વિકેટ લીધી છે, જેમાં તેની શ્રેષ્ઠ બોલિંગ 6/28 છે. તેણે વનડેમાં નવ વખત પાંચ વિકેટ લેવાની સિદ્ધિ નોંધાવી છે. તે ઑસ્ટ્રેલિયા માટે વનડેમાં સૌથી વધુ વિકેટ લેનાર પાંચમા ક્રમે છે, જેમાં ફાસ્ટ બોલર ગ્લેન મેકગ્રા (380) ટોચ પર છે.
ફાસ્ટ બોલરે 58 મેચમાં 73 વિકેટ લીધી છે, જેમાં તેનું સર્વશ્રેષ્ઠ બોલિંગ પ્રદર્શન 4/20 છે. તે ઓસ્ટ્રેલિયા માટે ટી-20 માં સૌથી વધુ વિકેટ લેનાર બીજા નંબરે છે, જેમાં એડમ ઝમ્પા (82) ટોચ પર છે.
હિન્દુસ્થાન સમાચાર/સુનીલ / માધવી
