– ટર્નઆઉટ ઈમ્પલિમેન્ટેશન પ્લાન (TIP) અંતર્ગત મતદાન જાગૃત્તિનો સંદેશ આપતા ખેલાડીઓ મતદાનના દિવસે મતદાન મથકો પર નાગરિકો માટે પીવાનું ઠંડુ પાણી, શેડ, વ્હીલચેર, મતદાન સહાયકો સહિતની આવશ્યક સેવાઓ ઉપલબ્ધ રહેશે : અમરેલી જિલ્લા ચૂંટણી અધિકારી અજય દહિયા
– દેશના ચૂંટણી પંચ દ્વારા નિમવામાં આવેલા જનરલ ઓબ્ઝર્વર, એમ. કે. દ્રાબુની પ્રેરક ઉપસ્થિતિમાં નાગરિકોને વધુમાં વધુ મતદાન કરવા અનુરોધ
અમરેલી/અમદાવાદ,03 એપ્રિલ : લોકસભા સામાન્ય ચૂંટણી-2024 અંતર્ગત અમરેલી જિલ્લામાં વધુમાં વધુ માત્રામાં મતદાન થાય તેના માટે ટર્નઆઉટ ઈમ્પલિમેન્ટેશન પ્લાન (TIP) અંતર્ગત વિવિધ કાર્યક્રમો હાથ ધરવામાં આવી રહ્યા છે. મતદાતા જાગૃત્તિ કાર્યક્રમ અન્વયે ગુરુવારે સાંજે અમરેલી સ્થિત સિનિયર સિટીઝન્સ પાર્ક ખાતે ભારતના ચૂંટણી પંચ દ્વારા નિમવામાં આવેલા જનરલ ઓબ્ઝર્વર એમ.કે.દ્રાબુ અને અમરેલી જિલ્લા ચૂંટણી અધિકારી અજયકુમાર દહિયા અને ખર્ચ તેમજટર્નઆઉટ ઈમ્પલિમેન્ટેશન પ્લાન (TIP) નોડલ અધિકારી પરિમલ પંડ્યાની પ્રેરક ઉપસ્થિતિમાં કબડ્ડી ટુર્નામેન્ટનું આયોજન કરવામાં આવ્યું હતું. આ કબડ્ડી ટુર્નામેન્ટમાં ભાગ લેનારા ખેલાડીઓએ મતદાન જાગૃત્તિનો સંદેશ પ્રસરાવ્યો હતો.
કાર્યક્રમના પ્રારંભે જિલ્લા ચૂંટણીતંત્ર દ્વારા મતદાન જાગૃત્તિ અર્થે તૈયાર કરવામાં આવેલી કોલર ટ્યૂનનું જિલ્લા ચૂંટણી અધિકારી અજય દહિયાના હસ્તે લોન્ચીંગ કરવામાં આવ્યું હતું. આ કોલર ટ્યૂન જિલ્લા ચૂંટણી-વહીવટી તંત્રના જિયો મોબાઇલ ધારક અધિકારીશ્રીઓ અને કર્મચારીઓના મોબાઇલમાં વાગશે.
આ પ્રસંગે જિલ્લા ચૂંટણી અધિકારી અને જિલ્લા કલેકટર અજય દહિયાએ કહ્યુ કે, મતદાન જાગૃત્તિ અર્થે સ્વીપ અને ટી.આઈ.પી. અંતર્ગત વિવિધ પ્રવૃત્તિઓ દ્વારા જિલ્લાના 12 લાખ જેટલા નાગરિકો સુધી મતદાન જાગૃત્તિનો સંદેશો પ્રસરાવવામાં આવ્યો છે. રમતના માધ્યમથી મતદાન જાગૃત્તિનો આ નવતર પ્રયોગ છે. મતદાનના દિવસે જિલ્લાના તમામ મતદાન મથકો પર પીવાનું ઠંડુ પાણી, ગરમીથી બચવા છાંયડો આપે તેવા શેડ, દિવ્યાંગ મતદારો માટે વ્હીલચેર, મતદાન મથકો પર સહાયકો, મહિલાઓ અને વરિષ્ઠ મતદારો માટે કતાર વ્યવસ્થાપન વગેરે આવશ્યક
ટર્નઆઉટ ઈમ્પલિમેન્ટેશન પ્લાન (TIP) અને ખર્ચ નોડલ તેમજ અમરેલી જિલ્લા વિકાસ અધિકારી પરિમલ પંડ્યાએ કહ્યુ કે, જિલ્લામાં વધુમાં વધુ મતદાન થાય અને નાગરિકોને મતદાન માટે જાગૃત્તિ આવે તે માટે કબડ્ડી ટુર્નામેન્ટનું આયોજન કરવામાં આવ્યું છે. તેના માધ્યમથી મતદાન જાગૃત્તિ સંદેશ પ્રસરાવવામાં આવી રહ્યો છે. આગામી 7 મેને મંગળવારના રોજ મતદાન થશે. જિલ્લામાં વધુમાં વધુ મતદાન થાય તે માટે સંકલ્પબદ્ધ થઈએ.
કબડ્ડી ટુર્નામેન્ટમાં ભાઈઓની 6 અને બહેનોની 9 ટીમે ભાગ લીધો હતો. જેમાં અમરેલી પોલીસ હેડક્વાર્ટર, કલાપી અમરેલી, રાધે અમરેલી, જાફરાબાદ, બાબરા અને લાઠીની ટીમોનો સમાવેશ થાય છે. જ્યારે બહેનોની 3 ટીમમાં બાબરા, જાફરબાદ અને અમરેલીની ટીમનો સમાવેશ થાય છે.
