તાપી/અમદાવાદ,23 ડિસેમ્બર (હિ.સ.) વડાપ્રધાન નરેન્દ્ર મોદીના નેતૃત્વમા 15 નવેમ્બર ‘જનજાતીય ગૌરવ દિવસ’થી વિકસિત ભારત સંકલ્પ યાત્રાનો પ્રારંભ કરવામાં આવ્યો હતો. જેને તાપી જિલ્લામાં વ્યાપક પ્રતિસાદ મળી રહ્યો છે. ત્યારે આજરોજ તાપીના જિલ્લાના સોનગઢ તાલુકાના ખરસી અને ખાંજર ગામે ગ્રામજનો દ્વારા રથ યાત્રાનું ભવ્ય સ્વાગત કરવામાં આવ્યું હતું.આ કાર્યક્રમમાં ધારાસભ્ય ડો.જયરામ ગામીતે વિશેષ ઉપસ્થિતિ નોધાવી હતી
આ પ્રસંગે ધારાસભ્ય ડો.જયરામ ગામીત સહિત ઉપસ્થિત તમામ મહાનુભાવોના વરદ હસ્તે લાભાર્થીઓને પ્રધાનમંત્રી જન આરોગ્ય યોજના હેઠળનું આયુષ્માન કાર્ડ, નિરામય હેલ્થ કાર્ડ, એનિમિયા, સોઇલ હેલ્થ કાર્ડ, ટીબી કીટ, વ્હાલી દિકરી મંજુરી પત્ર સહિતની યોજનાઓના લાભોનું વિતરણ કરવામાં આવ્યું હતું. આંગણવાડીમાં તંદુરસ્ત બાળકને પ્રોત્સાહિત કરવા બાળકોને ફૃટ બાસ્કેટ આપવામાં આવી હતી.ગ્રામજનોએ વિકસિત ભારત-2047ના સ્વપ્નને સાકાર કરવામાં પોતાની ભાગીદારી નોંધાવવાના સંકલ્પ પણ લીધા હતા.
ઉપરાંત લાભાર્થીઓએ મેરી કહાની, મેરી ઝુબાની થીમ હેઠળ પોતાને મળેલ યોજનાકીય લાભો વિશેના પ્રતિભાવો રજૂ કર્યા હતા.ઉપરાંત ગ્રામજનોએ રથના માધ્યમથી વિકાસની ઝાંખી રજૂ કરતી ફીલ્મ પણ નીહાળી હતી. કાર્યક્રમનાં અંતે ડ્રોન નિદર્શનનું પણ આયોજન કરવામાં આવ્યું હતું.
આ પ્રસંગે શાળાની બાળાઓ દ્વારા સ્વાગત ગીત અને પ્રાર્થના ગીત રજુ કરી સૌનું મનમોહી લીધું હતું. પ્રાથમિક શાળાના બાળકો દ્વારા ‘ધરતી કહે પુકાર કે નાટક’ રજુ થતા ઉપસ્થિત સૌ બાળકલાકારોની પ્રતિભાથી રોમાંચિત થયા હતા.મહાનુભાવોએ બાળકોનું મનોબળ વધારવા રોકડ રકમ આપી પ્રોત્સાહિત કર્યા હતા.
હિન્દુસ્થાન સમાચાર/
