નવી દિલ્હી, 30 ડિસેમ્બર (હિ. સ.). સતત છઠ્ઠા સપ્તાહે વિદેશી મુદ્રા ભંડારમાં વધારો થયો છે. દેશની વિદેશી મુદ્રા ભંડાર 22 ડિસેમ્બરે પૂરા થયેલા સપ્તાહમાં 4.471 અબજ ડોલર વધીને 620.441 અબજ ડોલર પર પહોંચી ગયું છે. ગયા અઠવાડિયે, દેશનું કુલ વિદેશી હૂંડિયામણ અનામત 9.112 અબજ ડોલર વધીને 615.971 અબજ ડોલર થયુ હતું.
રિઝર્વ બેંક ઓફ ઈન્ડિયા (આરબીઆઈ) દ્વારા જારી કરવામાં આવેલા આંકડા અનુસાર, 22 ડિસેમ્બરના રોજ પૂરા થયેલા સપ્તાહમાં દેશનું વિદેશી મુદ્રા ભંડાર 4.471 અબજ ડોલર વધીને 620.441 અબજ ડોલર થઈ ગયો છે. આ એક સપ્તાહમાં સૌથી વધુ વધારો છે. આરબીઆઈના જણાવ્યા અનુસાર, આ વર્ષે વિદેશી મુદ્રા ભંડારમાં 57.634 અબજ ડોલરનો વધારો નોંધાયો છે.
માહિતી અનુસાર, આ સમયગાળા દરમિયાન, વિદેશી વિનિમય અસ્કયામતો, વિદેશી વિનિમય અનામતનો એક મહત્વપૂર્ણ ઘટક, 4.898 અબજ ડોલર વધીને 549.747 અબજ ડોલર થઈ ગયો. જોકે, સોનાના ભંડારનું મૂલ્ય 10.7 કરોડ ડોલર ઘટીને 47.474 અબજ ડોલર થયું છે. તેવી જ રીતે, સ્પેશિયલ ડ્રોઈંગ રાઈટ્સ (એસડીઆર) માત્ર 40 લાખ ડોલર વધીને 18.327 અબજ ડોલર થયા છે. ઈન્ટરનેશનલ મોનેટરી ફંડ (આઈએમએફ) પાસે રાખેલ દેશનું ચલણ ભંડાર 12.9 કરોડ ડોલર ઘટીને 4.894 અબજ ડોલર થયું છે.
નોંધનીય છે કે, ઓક્ટોબર 2021માં દેશનો વિદેશી મુદ્રા ભંડાર 645 અબજ ડોલરની સર્વકાલીન ટોચે પહોંચી ગયો હતો. આમ, 620 અબજ ડોલર ના વર્તમાન સ્તરે, વિદેશી મુદ્રા ભંડાર તેમની ટોચથી માત્ર 25 અબજ ડોલર દૂર છે.
હિન્દુસ્થાન સમાચાર/પ્રજેશ શંકર/દધીબલ / ડો. હિતેશ/માધવી
