નવી દિલ્હી, 19 ફેબ્રુઆરી : આંતરરાષ્ટ્રીય બજારમાં કાચા તેલની કિંમતમાં વધઘટ અટકવાનું નામ નથી લઈ રહી. બ્રેન્ટ ક્રૂડની કિંમત બેરલ દીઠ 83 ડોલર આસપાસ છે અને ડબ્લ્યુટીઆઈ ક્રૂડની કિંમત બેરલ દીઠ 79 ડોલર આસપાસ છે. જોકે, ઓઈલ અને ગેસ માર્કેટિંગ કંપનીઓએ સોમવારે પેટ્રોલ અને ડીઝલના ભાવમાં કોઈ ફેરફાર કર્યો નથી.
ઈન્ડિયન ઓઈલની વેબસાઈટ અનુસાર, દિલ્હીમાં પેટ્રોલનો ભાવ રૂ. 96.72, ડીઝલ રૂ. 89.62, મુંબઈમાં પેટ્રોલ રૂ. 106.31, ડીઝલ રૂ. 94.27, કોલકતામાં રૂ. 106.03, ડીઝલ રૂ. 92.76, ચેન્નાઈમાં પેટ્રોલ રૂ. 102.63 અને ડીઝલ રૂ. 94.24 પ્રતિ લિટર પર ઉપલબ્ધ છે.
આંતરરાષ્ટ્રીય બજારમાં, સપ્તાહના પ્રથમ દિવસે શરૂઆતના વેપારમાં, બ્રાન્ડેડ ક્રૂડ 0.55 ડોલર એટલેકે 0.66 ટકાના વધારા સાથે બેરલ દીઠ 82.92 ડોલર પર ટ્રેન્ડ કરી રહ્યું છે. તે જ સમયે, વેસ્ટ ટેક્સાસ ઇન્ટરમીડિયેટ (ડબ્લ્યુટીઆઈ) ક્રૂડ પણ 0.46 ડોલર એટલેકે 0.58 ટકાના વધારા સાથે પ્રતિ બેરલ 78.73 ડોલર પર ટ્રેડ કરી રહ્યું છે.
