নতুন দিল্লী, ১৭ আগষ্ট (হি.স.)। দিল্লী প্ৰিমিয়াৰ লীগ (ডিপিএল) ২০২৫ত এতিয়ালৈকে মিশ্ৰিত প্ৰদৰ্শনৰ পিছত আজি সন্ধিয়া (দেওবাৰ) পুনৰ খেলপথাৰলৈ ঘূৰি আহিব পুৰণি দিল্লী ৬ দল। ইয়াত অৰুণ জেটলী ষ্টেডিয়ামত দলটোৱে দক্ষিণ দিল্লী ছুপাৰষ্টাৰৰ বিৰুদ্ধে খেলিব।
দিল্লী প্ৰিমিয়াৰ লীগৰ দ্বিতীয় ছিজনত পুৰাণী দিল্লী ৬ৰ অভিযান আউটাৰ দিল্লী ৱাৰিয়ৰ্ছৰ হাতত ৮২ ৰানৰ ডাঙৰ পৰাজয়ৰ সৈতে ৫ আগষ্টত আৰম্ভ হৈছিল । অৱশ্যে দলটোৱে একেৰাহে দুটা জয়ৰে উভতি আহিছিল, য’ত ৭ আগষ্টত পশ্চিম দিল্লী লায়ন্সৰ বিৰুদ্ধে ১৫ ৰানৰ জয় আৰু ৮ আগষ্টত নতুন দিল্লী টাইগাৰছৰ বিৰুদ্ধে ১০ ৰানত জয়লাভ কৰিছিল। কিন্তু গতিবেগ গঢ়ি উঠা যেন লগা লগে লগে দলটোৱে স্তব্ধ হৈ পৰে একেৰাহে পৰাজয়। পৰৱৰ্তী দুখন মেচত ১০ আগষ্টত নৰ্থ দিল্লী ষ্ট্ৰাইকাৰছৰ হাতত ২৭ ৰান আৰু ১২ আগষ্টত ইষ্ট দিল্লী ৰাইডাৰ্ছৰ হাতত ৫ উইকেটত পৰাস্ত হোৱা দলটোৱে। ৫খন মেচত দুখন জয়ৰে পইণ্ট তালিকাৰ ষষ্ঠ স্থানত থকা অল্ড দিল্লী ৬ দলটোৱে এতিয়া উভতি আহি পুনৰ গতি লাভ কৰিব বিচাৰিব।
খেলৰ পূর্বে দলৰ স্বত্বাধিকাৰী আকাশ নঙিয়াই নিজৰ দলৰ প্রতি আস্থা প্রকাশ কৰি কয় যে আমি যোৱা চাৰিটা দিনত বহুত কষ্ট কৰিছো, পৰিকল্পনা উন্নত কৰিছো, সৰু সৰু ভুলবোৰ শুধৰাইছো আৰু সঠিক মানসিকতা গ্রহণ কৰিছো৷ ল’ৰাকেইটা সতেজ, অনুপ্ৰাণিত আৰু দক্ষিণ দিল্লী ছুপাৰষ্টাৰৰ বিৰুদ্ধে খেলিবলৈ আগ্ৰহী।
हिन्दुस्थान समाचार / মনোজ কুমাৰ শইকীয়া
