কোকৰাঝাৰ, ২২ অক্টোবৰ : শাৰদীয় দুৰ্গোৎসৱৰ বতৰত আনন্দ-উল্লাস, ৰাইজৰ উছাহ-উদ্দীপনাৰ সময়তে শনিবাৰে বিয়লি বিটিচিৰ সদৰ কোকৰাঝাৰ জিলাৰ গোসাঁইগাঁও মহকুমাৰ সদৰ চহৰত কাৰ্যবাহী সদস্য উইলছন হাছদাৰ ব্যক্তিগত কাৰ্যলয় উদ্বোধন কৰে বিটিচিৰ মুখ্য কাৰ্যবাহী সদস্য প্ৰমোদ বড়োৱে ৷ গোসাঁইগাঁও সদৰ চহৰৰ দলগাঁও পথত শাসকীয় দলৰ কাৰ্যবাহী সদস্যৰ প্ৰথমটো কাৰ্যলয় উদ্বোধন কৰি বিটিআৰৰ বাসীক শাৰদীয় দুৰ্গোৎসৱৰ শুভেচ্ছা জ্ঞাপন কৰিছে বিটিচিৰ মুখ্য কাৰ্য্যবাহী সদস্য প্ৰমোদ বড়োৱে ৷ উদ্বোধনী অনুষ্ঠানত তেখেতে শান্তি শৃংখলাৰ মাজেৰে তথা উচাহ উদ্দীপনাৰে সকলোৱে যাতে শাৰদীয় দুৰ্গোৎসৱ উদযাপন কৰিব পাৰে তাৰে কামনা কৰিছে।
গোসাইগাঁও চহৰত বিটিআৰৰ কাৰ্য্যবাহী সদস্য উইলছন হাছদাৰ ব্যক্তিগত কাৰ্যালয় মুকলি কৰি উপস্থিত ৰাইজৰ আগত বিটিআৰৰ প্ৰতি গৰাকী এম চি এল এ ৰ বাবে ৰাইজৰ সুবিধাৰ্থে কাৰ্যালয় মুকলি কৰা হ’ব আৰু ইয়াৰ প্ৰথমটো কাৰ্যালয় গোসাঁইগাঁৱত স্থাপন কৰা হৈছে বুলি ব্য়ক্ত কৰে। এনেকি ৰাইজৰ কাম-কাজত যাতে সুবিধা হয় তাৰ বাবে প্ৰতিদিনে কমপক্ষেও কিছু সময় কাৰ্যলয়ত বহে তাৰ বাবে প্ৰতিগৰাকী এম চি এল এ আৰু কাৰ্যবাহী সদস্য সকলক অনুৰোধ জনায় ৷ এই অনুষ্ঠানত কাৰ্যবাহী সদস্য উইলছন হাছদা, উকিল মুছাহাৰী, জেষ্ঠ নেতা হেমেন্দ্ৰ নাথ ব্ৰহ্ম, ইউ পি পি এল দলৰ সাধাৰণ সম্পাদক ৰাজু নাৰ্জাৰী,জিলা সভাপতি অনিন্দ্য বসুমতাৰী, বিজেপিৰ কোকৰাঝাৰ জিলা সংখ্যালঘু কোষৰ সভাপতি জেঠমল মালু, মহিলা কোষৰ সম্পাদিকা মুৰ্শিদা বেগমৰ উপৰি দুয়োটা দলৰ আন ভালে সংখ্যক নেতা, কৰ্মকৰ্তা আৰু ৰাইজ উপস্থিত থাকে৷
