আহমেদাবাদ, ২৭ জুন (হি.স.)। আহমেদাবাদত ভগৱান জগন্নাথজীৰ ৰথযাত্ৰাৰ সময়ত খাদিয়া গোলাৱাদৰ সমীপত এটা হাতী নিয়ন্ত্ৰণহীন হৈ উন্মাদ হৈ পৰাত সৃষ্টি হোৱা হূলুস্থুলীয়া পৰিৱেশত এজন ব্যক্তি আহত হয়। কিন্তু অতি সোনকালেই হাতীটোক নিয়ন্ত্ৰণ কৰা হ’ল। ইয়াৰ পিছত ৰথ যাত্ৰা স্বাভাৱিকভাৱে চলি থাকে।
শুকুৰবাৰে পুৱা ৭ বজাৰ পৰা আহমেদাবাদৰ ভগৱান জগন্নাথ জীৰ ১৪৮ সংখ্যক বৃহৎ ৰথ যাত্ৰা আৰম্ভ হয়। মুখ্যমন্ত্রী ভূপেন্দ্র পেটেলে প্রথম অনুষ্ঠান সম্পন্ন কৰি ৰাথযাত্রা প্রেৰণ কৰে৷ ইয়াৰ লগতে ভগৱানক প্ৰথমবাৰৰ বাবে গাৰ্ড অৱ অনাৰ সন্মান দিয়া হৈছিল। আজি পুৱা ৪ বজাৰ পৰা ৰথ যাত্ৰা সন্দৰ্ভত ভক্তৰ ভিৰ দেখা গ’ল।
পুৱা ৪ বজাত জগন্নাথ মন্দিৰত মংগলা আৰতি অনুষ্ঠিত হয়। কেন্দ্ৰীয় গৃহমন্ত্ৰী অমিত শ্বাহে পৰিয়ালসহ জামালপুৰ জগন্নাথ মন্দিৰত উপস্থিত হৈ ভগৱানৰ মংগলা আৰতি কৰে। তেওঁ মন্দিৰত উপস্থিত সাধুসকলৰ আশীৰ্বাদ লৈছিল।
এই ৰথ যাত্ৰা ১৭টা হাতীৰ সৈতে আগবাঢ়ি আছিল। এই সময়ছোৱাত তিনিটা হাতী অনিয়ন্ত্ৰিত হৈ দৌৰিবলৈ ধৰিলে আৰু ৰাইজৰ মাজত হুলস্থুলৰ সৃষ্টি হয়। বন বিভাগৰ কৰ্মচাৰীয়ে হাতীটোক নিয়ন্ত্ৰণ কৰে। এই ঘটনাত আহত এজন লোকক ১০৮ৰ জৰিয়তে চিকিৎসাৰ বাবে লৈ যোৱা হয়।
বৰ্তমান ৰথ যাত্ৰাৰ পৰা ৩টা হাতী আঁতৰাই দিয়া হৈছে, য’ত দুটা মাইকী হাতী আৰু এটা মতা হাতী আছে। এতিয়া ১৭টা হাতীৰ ভিতৰত ১৪টা হাতী ৰথ যাত্ৰাত জড়িত হৈ আছে। সম্প্ৰতি শান্তিপূৰ্ণভাৱে চলি আছে ৰথ যাত্ৰা। জামালপুৰত অৱস্থিত মন্দিৰৰ পৰা আৰম্ভ কৰি সন্ধিয়াৰ ভিতৰত পুনৰ একেটা মন্দিৰলৈ উভতি যাব ৰথ যাত্ৰা।
আজিৰ ৰথ যাত্ৰাত ১৪ টা গজৰাজ, ১০১ খন ট্ৰাক, ৩০ খন আখৰা, ১৮ টা ভজন মণ্ডলী আৰু ৩ টা বেণ্ড বাজক আছে। ইয়াৰ লগতে শাৰীৰিক ব্যায়ামৰ পৰীক্ষা-নিৰীক্ষাও চলি আছে। হৰিদ্বাৰ, অযোধ্যা, নাশিক, উজ্জয়িন, জগন্নাথপুৰী আৰু সৌৰাষ্ট্ৰৰ পৰাও প্ৰায় ২৫০০ সাধু আৰু সন্তসকলেও বৃহৎ সংখ্যক অংশগ্ৰহণ কৰিছে।
हिन्दुस्थान समाचार / মনোজ কুমাৰ শইকীয়া
