নতুন দিল্লী, ৩১ আগষ্ট (হি.স.)। প্ৰধানমন্ত্ৰী নৰেন্দ্ৰ মোদীয়ে টিয়ানজিনত অনুষ্ঠিত হোৱা চাংহাই সহযোগিতা সংস্থাৰ সন্মিলনৰ আঁৰত চীনৰ ৰাষ্ট্ৰপতি ছি জিনপিঙৰ সৈতে আলোচনাত মিলিত হয় । প্ৰায় দহ মাহৰ পিছত এয়া তেওঁলোকৰ প্ৰথম দ্বিপাক্ষিক আলোচনা। ইয়াৰ উদ্দেশ্য হৈছে দ্বিপাক্ষিক সম্পৰ্কক আগুৱাই নিয়া।
প্রধানমন্ত্রী নৰেন্দ্র মোদীয়ে প্রধানমন্ত্রী নৰেন্দ্র মোদীয়ে প্রথম বক্তব্যত কয় যে বিগত বর্ষ কাজানত অনুষ্ঠিত হোৱা আলোচনাই ভাৰত-চীন সম্পর্কক এক ইতিবাচক দিশ দিলে ৷ তেওঁ উল্লেখ কৰে যে সীমান্তত বিচ্ছিন্নতাৰ পিছত শান্তি আৰু স্থিতিশীলতাৰ পৰিৱেশৰ সৃষ্টি হৈছে। মোদীয়ে জোৰ দি কয় যে এই পৰিৱেশে দুয়োখন দেশৰ সম্পৰ্কক আগুৱাই নিয়াৰ সুযোগ প্ৰদান কৰে।
মোদীয়ে কয় যে কৈলাশ মানসৰোৱৰ যাত্ৰা পুনৰ আৰম্ভ হৈছে। এই যাত্ৰাৰ কেৱল ধৰ্মীয় গুৰুত্বই নহয়, দুয়োখন দেশৰ জনসাধাৰণক সংযোগ কৰাৰ মাধ্যমো। তেওঁ ইয়াক পাৰস্পৰিক বিশ্বাস আৰু সহযোগিতাৰ প্ৰতীক বুলি অভিহিত কৰে। এই সিদ্ধান্তই দুয়োখন দেশৰ সাংস্কৃতিক সম্পৰ্ক আৰু অধিক সুদৃঢ় কৰিব।
প্ৰধানমন্ত্ৰীয়ে কয় যে ভাৰত আৰু চীনৰ মাজত পোনপটীয়া বিমান সেৱা পুনৰ আৰম্ভ কৰা হৈছে। তেওঁ ইয়াক ব্যৱসায়, সংস্কৃতি আৰু জনসংযোগৰ বাবে এক গুৰুত্বপূৰ্ণ পদক্ষেপ বুলি অভিহিত কৰে। এই সহযোগিতাৰ সৈতে দুয়োখন দেশৰ ২৮ কোটি জনসাধাৰণৰ স্বাৰ্থ জড়িত হৈ আছে বুলি উল্লেখ কৰি মোদীয়ে সমগ্ৰ মানৱতাৰ কল্যাণৰ দিশত অৰিহণা যোগাব বুলি উল্লেখ কৰে।
মোদীয়ে স্পষ্ট কৰি দিয়ে যে ভাৰত-চীনৰ সম্পৰ্ক পাৰস্পৰিক বিশ্বাস, সন্মান আৰু সংবেদনশীলতাৰ ওপৰত ভিত্তি কৰি গঢ় লৈ উঠিব। তেওঁ চীনক এছচিঅ’ৰ সফল অধ্যক্ষ পদৰ বাবে অভিনন্দন জনায় আৰু আমন্ত্ৰণৰ বাবে চীনক ধন্যবাদ জনায়। প্ৰধানমন্ত্ৰীয়ে কয় যে সহযোগিতা আৰু আলোচনাৰ জৰিয়তে দুয়োখন দেশৰ মাজৰ সম্পৰ্কই নতুন উচ্চতাত উপনীত হ’ব পাৰে।
দেওবাৰে টিয়ানজিনত অনুষ্ঠিত এই বৈঠকত অংশগ্ৰহণৰ বাবে ৭ বছৰৰ অন্তত চীনত উপস্থিত হৈছে মোডী। ৩১ আগষ্টৰ পৰা ১ ছেপ্টেম্বৰলৈ চলি আছে এছ চি অ’ শীৰ্ষ সন্মিলন। ২০খনতকৈও অধিক দেশৰ ৰাষ্ট্ৰপতি আৰু চৰকাৰৰ মুৰব্বীসকলে ইয়াত অংশগ্ৰহণ কৰিছে। এই সন্মিলনৰ সময়ত প্ৰধানমন্ত্ৰী মোদীয়ে ৰাছিয়াৰ ৰাষ্ট্ৰপতি ভ্লাদিমিৰ পুটিনকো সাক্ষাৎ কৰাৰ কথা।
हिन्दुस्थान समाचार / Manoj Kumar Saikia
