নেল্লাই, ২২ আগষ্ট (হি.স.)। আজি (শুকুৰবাৰে) তামিলনাডুৰ নেল্লাই জিলাত বিজেপিৰ উদ্যোগত অনুষ্ঠিত হোৱা প্ৰথমটো বুথ কমিটি ইনচাৰ্জ কনফাৰেন্সত অংশগ্ৰহণ কৰিবলৈ আহি আছে কেন্দ্ৰীয় মন্ত্ৰী অমিত শ্বাহ।
কোচিত এক অনুষ্ঠানত অংশগ্ৰহণ কৰাৰ পিছত অমিত শ্বাহে দুপৰীয়া ২.৫০ বজাত থুথুকুডী বিমানবন্দৰত উপস্থিত হ’ব। তাৰ পৰা তেওঁ হেলিকপ্টাৰেৰে পলায়নকোট্টাই সশস্ত্ৰ বাহিনীৰ খেলপথাৰত উপস্থিত হ’ব। ইয়াৰ পিছত তেওঁ পথেৰে পেৰুমালপুৰম এন জি অ’ কলনীত অৱস্থিত বিজেপিৰ ৰাজ্যিক সভাপতি নৈনাৰ নগেন্দ্ৰনৰ ঘৰলৈ ৰাওনা হ’ব। চাহ মেলত অংশগ্ৰহণ কৰাৰ পিছত তেওঁ বিয়লি ৩.২০ বজাত ভান্নাৰপেট আৰু নৰ্দাৰ্ণ বাইপাছ ৰোড হৈ গাড়ীৰে সভাস্থলীলৈ উভতি আহিব।
এই সন্মিলনত অমিত শ্বাহে প্ৰায় এঘণ্টাৰ বাবে বিজেপি নেতা আৰু গুৰুত্বপূৰ্ণ বিষয়াক সাক্ষাৎ কৰি ভাষণ দিব। কেন্দ্রত বিজেপি চৰকাৰৰ পৰা সাধাৰণ ৰাইজে যি সুবিধা লাভ কৰে সেই বিষয়ে তেওঁ বিতংভাৱে ক’ব৷ ইয়াৰ সমান্তৰালকৈ তেওঁ মিত্ৰজোঁটৰ দলৰ সৈতে মিলি নিৰ্বাচনত জয়ী হ’বলৈ হ’বলগীয়া কামৰ লগতে নিৰ্বাচনী কৌশল সন্দৰ্ভত আলোচনা কৰিব।
এই সন্মিলনত বিজেপিৰ ৰাজ্যিক সভাপতি নৈনাৰ নগেন্দ্ৰন, প্ৰাক্তন নেতা তামিলিছাই সৌন্দৰৰাজন, অন্নমলাই, পন ৰাধাকৃষ্ণন, এইচ ৰাজা আদি বহুকেইজনে অংশগ্ৰহণ কৰিছে। কালি পুৱা বিজেপিৰ ৰাজ্যিক সভাপতি নৈনাৰ নগেন্দ্ৰনে সন্মিলন অনুষ্ঠিত হ’বলগীয়া অঞ্চল পৰিদৰ্শন কৰে। তাত স্থাপন কৰা গ্ৰেণ্ড পণ্ডেল আৰু অন্যান্য কাম-কাজ পৰিদৰ্শন কৰি পৰামৰ্শ দিয়ে।
हिन्दुस्थान समाचार / Manoj Kumar Saikia
