টেল আভিভ, ০১ জানুৱাৰী (হি.স.)। বৰ্তমান গাজাপট্টীত ইজৰাইল-হামাছৰ যুদ্ধৰ অন্ত পৰাৰ কোনো লক্ষণ দেখা পোৱা নাই। ইফালে সোমবাৰে পুৱা পেলেষ্টাইনৰ সন্ত্ৰাসবাদী সংগঠন হামাছৰ সন্ত্ৰাসবাদীয়ে ইজৰাইললৈ প্ৰায় ২০টা ৰকেট নিক্ষেপ কৰে। এই আকাশী আক্ৰমণত কোনো লোক হতাহতি হোৱাৰ খবৰ পোৱা নাই।
ইজৰাইলৰ দ্য টাইমছ কাকতৰ তথ্য অনুসৰি হামাছে এই আক্ৰমণৰ দায়িত্ব স্বীকাৰ কৰিছে। হামাছে টেলিগ্ৰাম পোষ্টত কয় যে নৰসংহাৰৰ প্ৰতিক্ৰিয়া স্বৰূপে তেওঁলোকৰ আল কাছাম ব্ৰিগেডে টেল আভিভ চহৰ আৰু ইয়াৰ বাহিৰৰ অঞ্চলত ‘এম ৯০’ ৰকেটেৰে বোমাবৰ্ষণ কৰি আছে।
যোৱা বছৰৰ ৭ অক্টোবৰৰ পৰা আৰম্ভ হৈছিল এই যুদ্ধ। শ শ হামাছৰ সন্ত্ৰাসবাদীয়ে ইজৰাইলত প্ৰৱেশ কৰি হত্যাকাণ্ড সংঘটিত কৰি ২০০ৰো অধিক লোকক পণবন্দী কৰি লৈ যায়। এই সময়ছোৱাত প্ৰায় ১২০০ ইজৰাইলী নিহত হয়। ইয়াৰ প্ৰতিশোধ হিচাপে ইজৰাইলে গাজাপট্টীত ব্যাপক আক্ৰমণ চলায়। আজি যুদ্ধৰ ৮৭তম দিন। এই যুদ্ধত এতিয়ালৈকে প্ৰায় ২১,৮২২ জন পেলেষ্টাইনী নিহত হৈছে। ইয়াৰ ভিতৰত আছে হামাছৰ দুৰ্ধৰ্ষ কমাণ্ডাৰো আছে। হামাছৰ বিৰুদ্ধে ইজৰাইলৰ স্থল আৰু আকাশী পদক্ষেপ অব্যাহত আছে।
হিন্দুস্থান সমাচাৰ/মুকুন্দ/মনোজ
