-হামাছৰ সন্ত্ৰাসবাদীক আত্মসমৰ্পণ কৰিবলৈ সকীয়নী
টেল আভিভ/জেৰুজালেম, ১৫ নৱেম্বৰ (হি.স.)। বুধবাৰে গাজা ষ্ট্ৰিপত যুদ্ধৰ ৪০ সংখ্যক দিনৰ পুৱা ইজৰাইলী বাহিনীয়ে হামাছৰ আত্মগোপনস্থলী হিচাপে শিৰোনামালৈ অহা আটাইতকৈ ডাঙৰ চিকিৎসালয় আল শ্বিফাত প্ৰৱেশ কৰে। বেছমেণ্টত উপস্থিত হৈছে জোৱানসকল। ইয়াত হামাছৰ দুৰ্ধৰ্ষ সেনাপতিসকলক লুকাই থকাৰ বিষয়ে শক্তিশালী চোৰাংচোৱা তথ্যৰ ভিত্তিত এই পদক্ষেপ গ্ৰহণ কৰা হৈছে। ইজৰাইলৰ প্ৰতিৰক্ষা বাহিনী (আইডিএফ)য়ে হামাছৰ সন্ত্ৰাসবাদীক নীৰৱে আত্মসমৰ্পণ কৰিবলৈ সকীয়াই দিছে।
সংবাদ মাধ্যমৰ খবৰ অনুসৰি আইডিএফে এই চিকিৎসালয়খনৰ বেছমেণ্টৰ এখন চেটেলাইট ফটোও প্ৰকাশ কৰিছে। জোৱানসকলে বেছমেণ্টত স্থান দখল কৰিছে। য’তেই লৰাঢপৰা অনুভৱ কৰা হৈছে তাতেই ধাৰাসাৰ গুলী নিক্ষেপ কৰা হৈছে। সমগ্র চিকিৎসালয়ত একেলগে অভিযান চলাই জোৱানসকলে ৷ কোনেও পলায়নৰ সুযোগ নাপালে। ইয়াৰ বাবেই ৰোগীসকলৰ মাজত বাস কৰা হামাছৰ কমাণ্ডাৰসকলে তলৰ মহলা আৰু সুৰংগৰ ফালে দৌৰি যোৱা দেখা গৈছিল। ৰোগীৰ উপৰিও এই চিকিৎসালয়ত হাজাৰ হাজাৰ শৰণাৰ্থীও উপস্থিত আছে।
আইডিএফে কয় যে হামাছৰ বিৰুদ্ধে এই অভিযান কোনো কাৰণতে বন্ধ নহ’ব। চিকিৎসালয়খনৰ সেই স্থানতো নিৰাপত্তা বাহিনী উপস্থিত হৈছে, য’ত কাকো যাবলৈ দিয়া হোৱা নাছিল। আইডিএফে স্পষ্ট কৰি দিছে যে কোনো চিকিৎসালয়ক হামাছৰ আশ্ৰয়স্থল হ’বলৈ নিদিয়ে। লক্ষণীয়ভাৱে মঙলবাৰে হামাছে আন এখন চিকিৎসালয়ৰ তলত হামাছৰ সুৰংগ উন্মোচন কৰি নিজৰ বৰ্বৰতাৰ কাহিনী বিশ্বৰ আগত উদঙাই দিছিল।
আন এক প্ৰতিবেদনত কোৱা হৈছে যে ইজৰাইলে আমেৰিকাৰ চোৰাংচোৱাৰ ভিত্তিত এই পদক্ষেপ গ্ৰহণ কৰিছে। ইয়াত কোৱা হৈছে যে হামাছে আল শ্বিফাকে ধৰি গাজাৰ অন্যান্য চিকিৎসালয়সমূহক কমাণ্ড চেণ্টাৰ আৰু গোলাবাৰুদ ডিপো হিচাপে ব্যৱহাৰ কৰি আছে।
হিন্দুস্থান সমাচাৰ/মুকুন্দ/মনোজ/অৰবিন্দ
