نئی دہلی، ۔
انڈین سپر لیگ (آئی ایس ایل) 2023-24 سیزن کئی طریقوں سے خاص رہا ہے۔ اس بار لیگ کا 10 واں سیزن کھیلا جا رہا ہے اور اس کے علاوہ یہ پہلا موقع ہے کہ کسی کلب، آئی-لیگ چمپئن پنجاب ایف سی نے ترقی پانے کے بعد آئی ایس ایل میں ڈیبیو کیا۔
اعلی درجے کی لیگ میں اپنے شروعاتی دورمیں پنجاب ایف سی نے قریبی میچ کھیلے اورخود کو مقابلے کے موافق ڈھالنے کی کوشش کی ۔ انہوں نے سیزن کے دوسرے ہاف میں امید افزا پرفارمنس دکھائی اور خود کو پلے آف کی دوڑ میں برقرار رکھا اور یونانی ہیڈ کوچ اسٹائیکوس ورگاٹیس یقینی طور پر ٹاپ چھ ٹیموں میں سیزن ختم کرنے کے خواہشمند ہیں۔ پنجاب ایف سی نے اپنے آخری پانچ میچوں میں تین بار جیتا ہے، جس میں بنگلورو ایف سی اور کیرالہ بلاسٹرز ایف سی کے خلاف لگاتار 3-1 کی جیت شامل ہے۔ ان کی تازہ ترین شکست ممبئی سٹی ایف سی کے ہاتھوں 2-3 کی سخت شکست تھی، ایک ایسا میچ جس میں انہوں نے زیادہ تر وقت آئی لینڈرز کو پریشان کیا۔
کوچ اسٹائکوچ ویرگیٹس نے لیگ کے ساتھ ایک انٹرویو میں اپنے پروموشن، آئی ایس ایل اور نوجوان ہندوستانی کھلاڑیوں کے بارے میں بات کی۔
انہوں نے بتایا کہ پنجاب ایف سی کے پورے ایکو سسٹم نے گزشتہ دو سالوں کے دوران اچھی ہم آہنگی پیدا کی ہے۔ کھلاڑی سپورٹ اسٹاف کی ضروریات کو سمجھتے ہیں اور مل کر کام کرتے ہیں، جو اکثر بہتر کارکردگی کا مظاہرہ کرنے میں ان کی مدد کرتا ہے۔ یونانی کوچ نے آئی-لیگ میں اپنے دور کو یاد کیا، جہاں وہ بعض اہم میچوں سے پہلے ایک انسان اور ساتھ ہی ایک کوچ کے طور پر وہ کئی بار جذمبات ہوئے تھے جس سے آئی ایس ایل میں ان کی ترقی پکی ہوئی تھی۔
کوچ اسٹائکوچ ویرگیٹس نے کہا، ایک انسان کے طور پر، میں نے پچھلے سال بہت زیادہ جذباتی اور طاقتور لمحات گزارے۔ یہ صرف تقریبات اور کھیل تک محدود نہیں ہے۔ اس میں ڈریسنگ روم کے جذبات، بڑے میچوں سے پہلے کے جذبات، ٹیم اسپرٹ، اور متحد خاندانی جذبات شامل ہیں اور کوئی بھی خاندان کو نہیں توڑ سکتا۔ میں نے کھلاڑیوں کے ساتھ بہت اچھا کام کیا ہے اور میرے کھلاڑی عملے کے ساتھ بہت اچھا تعاون کرتے آ رہے ہیں۔لیگ ٹائٹل جیتنا میرے کوچنگ کیریئر کی ایک بڑی کامیابی تھی جسے میں کبھی نہیں بھولوں گا۔
خیال رہے کہ پنجاب ایف سی اپنا اگلا میچ پلے آف حریفوں نارتھ ایسٹ یونائیٹڈ ایف سی کے خلاف جمعرات 07 مارچ کو گوہاٹی میں 7:30 پر کھیلے گی۔
