مکاو، 2 اگست (ہ س)۔ مکاو اوپن بیڈمنٹن ٹورنامنٹ 2025 میں ہندوستان کی مہم ہفتہ کو اس وقت ختم ہوگئی جب مردوں کے سنگلز زمرے میں ہندوستان کے دو سرفہرست کھلاڑی لکشہ سین اور ترون منے پلی سیمی فائنل میں ہار گئے۔
سیکنڈ سیڈڈ لکشیہ سین کو پانچویں سیڈڈ انڈونیشیا کے علوی فرحان نے صرف 39 منٹ میں 21-16، 21-9 سے شکست دے کر باہر کا راستہ دکھا دیا۔ ترون منے پلی کو ملیشیا کے جسٹن ہوہ نے سخت مقابلے کے بعد 19-21، 21-16، 21-16 سے شکست دی۔ میچ ایک گھنٹہ 21 منٹ تک جاری رہا۔
قابل ذکر ہے کہ اس سیزن میں پہلی بار دونوں ہندوستانی کھلاڑی بی ڈبلیو ایف ورلڈ ٹور کے سیمی فائنل میں پہنچے تھے۔ خاص طور پر 23 سالہ ترون کے لیے یہ ان کے کیریئر کی اب تک کی بہترین کارکردگی تھی۔
عالمی درجہ بندی میں 17ویں نمبر پر موجود لکشیہ سین کے لیے یہ سیزن خاص نہیں رہا۔ وہ اس سال پہلے راونڈ میں سات بار اور دوسرے راونڈ میں دو بار ہار چکے ہیں۔ کندھے، کمر اور ٹخنے کی چوٹوں نے بھی ان کی کارکردگی کو متاثر کیا ہے۔
دوسری طرف، عالمی جونیئر چیمپئن (2023) اور سدیرمان کپ میں کانسے کا تمغہ جیتنے والی انڈونیشیائی ٹیم کے رکن علوی فرحان نے شاندار کارکردگی کا مظاہرہ کرتے ہوئے پوری طرح سے دبدبہ بنایا اور لکشیہ کو باہر کر دیا ۔
ترون نے پہلے گیم میں 11-6 کی برتری حاصل کی لیکن چند غیر ضروری غلطیوں نے ملیشیا ئی کھلاڑی مقابلہ میں بنے رہے اور اسکور کو 18-18 تک پہنچا دیا۔ تاہم، ترون نے اپنا حوصلہ برقرار رکھا اور پہلا گیم جیت لیا۔
دوسرا گیم کافی قریبی رہا لیکن جسٹن ہوہ نے17-16سے برتری حاصل کرنے کے بعد مسلسل چار پوائنٹس جیت کر میچ کو فیصلہ کن گیم تک کھینچ لیا۔
تیسرے گیم میں، ترون ہوا کی سمت کے ساتھ تال میل نہیں بیٹھا سکے اور اسکور 9-9 پر برابری پر رہنے کے بعد مسلسل سات پوائنٹس گنوا دیئے۔ اس کے بعد ملیشیائی کھلاڑی نے برتری برقرار رکھتے ہوئے فائنل میں جگہ بنالی۔
ہندوستھان سماچار
ہندوستان سماچار / محمد شہزاد
