منڈی ۔ ضلع منڈی میں جمعہ کی صبح ایک دردناک سڑک حادثہ سامنے آیا ہے۔ منڈی سے کلو وایا کماند-کٹولا-ٹہری روڈ پر بروگی کے قریب سڑک حادثے میں تین لوگوں کی موت ہو گئی۔ اسی دوران ایک شخص شدید زخمی ہوا ہے جسے اسپتال میں داخل کرایا گیا ہے۔ حادثے میں جان کی بازی ہارنے والے تینوں افراد پنجاب کے رہائشی ہیں۔
موصولہ اطلاع کے مطابق یہ جیپ صبح تقریباً چار بجے حادثے کا شکار ہوگئی۔ یہ جیپ پہاڑی پر سڑک سے لڑھک کر نیچے دوسری سڑک پر پہنچ گئی۔ حادثے کی اطلاع ملتے ہی مقامی لوگ موقع پر پہنچ گئے اور راحت اور بچاو¿ کام شروع کیا۔ تینوں جیپ سواروں کی موقع پر ہی موت ہو گئی جبکہ ایک شدید زخمی ہے۔ انہیں مقامی لوگوں نے وہاں سے باہر نکالا۔
مقامی لوگوں نے پولیس کو حادثے کی اطلاع دی۔ جس کے بعد اطلاع ملتے ہی مقامی پولیس اور ایس ڈی آر ایف کی ٹیم موقع پر پہنچ گئی۔ پولیس سے موصولہ اطلاع کے مطابق یہ گاڑی تقریباً 200 میٹر نیچے جا گری۔ گاڑی میں چار لوگ سوار تھے۔ جن میں سے تین کی موقع پر ہی موت ہو گئی۔ سڑک حادثے کی تصدیق ڈی ایس پی پدھر دنیش کمار نے کی ہے۔
ڈی ایس پی پدھر دنیش کمار نے کہا، ”لاشوں کو پوسٹ مارٹم کے لیے اسپتال لے جایا گیا ہے۔ اس معاملے میں مزید کارروائی کی جا رہی ہے اور حادثے کی وجوہات کی بھی تحقیقات کی جا رہی ہیں“۔
