علی گڑھ، 28 جنوری(ہ س)۔
ڈاکٹر ذاکر حسین فاؤنڈیشن نے اپنی 21ویں سالانہ تقریب کے موقع پر علی گڑھ مسلم یونیورسٹی کے ٹیچنگ اسٹاف کلب میں پروگرام کا اہتمام کیا۔مہمانان خصوصی کے طور پر علی گڑھ کے میئر سر پرشانت سنگھل، ڈی پی او علی گڑھ محترمہ سمیتا سنگھ، ڈاکٹرسنجے بھارگرو،سماجی کاروکن رضوانہ خاتون، اجلال احمد اورڈاکٹر عبید احمد صدیقی، سکریٹری، ٹیچنگ اسٹاف کلب، اے ایم یو، علی گڑھ شریک تھے۔
فاؤنڈیشن کی سیکرٹری ساجدہ ندیم نے فاؤنڈیشن کی سرگرمیوں سے آگاہ کرتے ہوئے کہا کہ تنظیم کو حکومت یا دیگر ذرائع سے کوئی گرانٹ نہیں ملی۔ فاؤنڈیشن گزشتہ 20 سالوں سے معاشرے کے کمزور طبقات کی بے لوث خدمت کر رہی ہے۔فاؤنڈیشن نے تعلیم میں اور بااختیار بنانے کے تئیں اپنی لگنسے محنت کررہے مختلف اسکولوں کے مستحق طلباء کو 20 وظائف سے نوازا۔ شیلا گوتم میموریل اسکالرشپ 10 طلبہ کو پیش کی گئی، جبکہ دیگر 10 طلبہ کو فریدہ افضل میموریل اسکالرشپ ملی۔علاقے کے مختلف اسکولوں میں پڑھنے والی غریب لڑکیوں اور لڑکوں میں 25 سائیکلیں تقسیم کی گئیں۔ مزید برآں، فاؤنڈیشن نے غریب بیوہ خواتین کی خودمختاری کو فروغ دیتے ہوئے خواتین کو بااختیار بنانے کے لیے 30 سلائی مشینیں تقسیم کیں۔
اس موقع پر فاؤنڈیشن نے طلباء اور تمام مستحقین میں چاکلیٹ کے پیکٹ، پھل، بسکٹ، چپس اور کھانے کے پیکٹ کے ساتھ وظائف اور سائیکلیں بھی تقسیم کیں۔فاؤنڈیشن کے صدر ندیم راجہ نے کہا کہ فاؤنڈیشن 2004 سے سماجی اور انسانی کاموں میں سرگرم ہے۔ ڈاکٹر ذاکر حسین فاؤنڈیشن کمیونٹی کی فلاح و بہبود کے لیے مسلسل اپنا کردار ادا کر رہی ہے۔ گزشتہ برسوں کے دوران، فاؤنڈیشن نے 5800 سائیکلیں، 7320 سلائی مشینیں، اور مختلف وظائف، وہیل چیئر، تھری وہیلر، لحاف، راشن کٹس، کمبل اور طبی امداد تقسیم کی ہے۔
نائب صدر توقیر عالم نے ان تمام لوگوں کا شکریہ ادا کیا جنہوں نے فاؤنڈیشن کی مدد کی اور جو ایک طویل عرصے سے فاؤنڈیشن کی سرگرمیوں سے بے لوث وابستہ ہیں۔اسجد علی خان نے پروگرام کی نظامت کی اور تمام شرکاء کا شکریہ ادا کیا۔اس موقع پر پروفیسر ایم ایم صدیقی، پروفیسر ثمینہ خان، پروفیسر سلمیٰ شاہین، پروفیسر خالد ضمیر قریشی، پروفیسر تاج الدین، پروفیسر شاہد صدیقی،ڈاکٹر اعظم میر، وسیم بابو، محمد سمیر، فضل، عائشہ، اسجد، عظیم، عباد، ارمغان، وسیم اور دیگر شامل تھے۔ سماجی کاموں کے لیے وقف دیگر افراد بھی موجود تھے۔
