لالواورتیجسوی نے نتیش سے ملاقات کی
پٹنہ،19جنوری(ہ س)۔
آرجے ڈی سپریمولالو پرساد یادو اور نائب وزیراعلی تیجسوی یادو نے جمعہ کے روزوزیراعلی نتیش کمار سے ان کی رہائش گاہ پر ملاقات کی۔ میٹنگ کے بعد تیجسوی نے میڈیا سے بات کرتے ہوئے کہا کہ ہم طاقت کے ساتھ مل کر کام کر رہے ہیں۔
تیجسوی یادو نے کہا کہ نتیش کمار وزیر اعلیٰ ہیں اور میں نائب وزیراعلیٰ ہوں۔ اسی لیے ہم ملتے رہتے ہیں۔ اس میں کوئی بڑی بات نہیں ہے۔ اس سے کوئی مختلف معنی اخذ کرنا مناسب نہیں ہے۔ ہم سب مل کر طاقت کے ساتھ کام کر رہے ہیں۔ ایک ایک کر کے سارے وعدے پورے ہو رہے ہیں۔
نتیش کے بی جے پی میں شامل ہونے سے متعلق سوال پر تیجسوی یادو نے کہا کہ آپ سب وہی کرتے ہیں جو آپ کو صحیح لگتا ہے، لیکن مجھے افسوس ہے کہ آپ جو سوالات پوچھ رہے ہیں ان کی کوئی زمینی حقیقت نہیں ہے۔ اس لیے ہمیں اس مسئلہ کو بار بار واضح کرنے کی ضرورت نہیں ہے۔ آپ ایک بات سمجھ لیں کہ اس بار بہار میں بی جے پی کی شکست یقینی ہے۔
تیجسوی نے کہا کہ جب سے بہار میں عظیم اتحاد کی حکومت بنی ہے، تب سے بی جے پی کا درد بڑھ گیا ہے۔ بی جے پی کا کام افواہیں پھیلانا اور جھوٹ بولنا ہے۔ اب یہاں آپ لوگ مل کر بنا رہے ہیں تو دکھ ہوتا ہے۔ ہم آپ سے پوچھنا چاہتے ہیں اور آپ کے چینل سے پوچھنا چاہتے ہیں کہ بہار میں بی جے پی کتنی سیٹوں پرالیکشن لڑ رہی ہے؟ کیا این ڈی اے میں سیٹوں کی تقسیم کا فیصلہ ہوا ہے؟ تم یہاں کیوں پریشان ہواوروہاں کیوں نہیں؟
جے ڈی یو کے 17 سیٹوں کے مطالبے پر تیجسوی یادو نے کہا کہ یہ ہمارے لوگوں کا مسئلہ ہے۔ جے ڈی یو اور آر جے ڈی بھی لڑ رہے ہیں۔ ہم جے ڈی یو کے ساتھ ہیں اور جے ڈی یو ہمارے ساتھ ہے۔ ہم طاقت سے لڑیں گے اور ہم نتیش کی قیادت میں کام کر رہے ہیں۔ نتیش کو بی جے پی سے آفر ملنے کے سوال پر تیجسوی نے کہا کہ ان کا دروازہ بند تھا ، ایسا لگتا ہے کہ آپ لوگوں سے بات کرنے کے بعد ہی انہوں نے دروازہ کھولا ہوگا۔
ہندوستھان سماچار/ افضل
/عطاءاللہ
