پٹنہ میں اپارٹمنٹ کی لفٹ ٹوٹ کر نیچے گری، بال ۔ بال بچے تین بچے
پٹنہ، 6 جنوری (ہ س)۔ راجدھانی پٹنہ میں ایک اپارٹمنٹ کی لفٹ میں حادثہ پیش آیا ہے۔ پھلواری شریف کے ہلاس وہار کالونی واقع رادھا کرشنا اپارٹمنٹ کی لفٹ اچانک ٹوٹ گئی اور نیچے گر گئی۔ اس لفٹ میں تین بچے نیچے آ رہے تھے کہ اچانک حادثے کا شکار ہو گئے۔ اس واقعے میں تینوں بچے ٹھیک ہیں لیکن نیچے گرنے سے ان کے پیر میں چوٹ لگی ہے۔ واقعے کے بعد اپارٹمنٹ میں رہنے والے لوگ خوفزدہ ہیں۔
بتایا جا رہا ہے کہ لفٹ اچانک تین منزلوں سے ٹوٹ کر نیچے گر گئی، جس میں دیپک کمار کے بیٹے سمیت تین افراد سوار تھے۔ واقعے میں تینوں بچے بال بال بچ گئے حالانکہ ان کے پیر میں چوٹ لگی ہے۔ لفٹ میں سوار ڈاکٹر دیپک کمار کے بیٹے شریان پرکاش نے بتایا کہ آج انجینئر لفٹ کی دیکھ بھال کے لیے گئے تھے لیکن جیسے ہی ہم تین لوگ نیچے جا رہے تھے کہ اچانک لفٹ ٹوٹ گئی اور ایک زوردار آواز کے ساتھ نیچے گر گئی۔ ہمارے پیر میں چوٹ لگی ہے۔
واضح ہو کہ اس حادثے میں کوئی بھی شدید زخمی نہیں ہوا ہے، سب خیریت سے ہیں۔ عینی شاہدین کے مطابق لفٹ زوردار آواز کے ساتھ گر گئی جس کے بعد آس پاس کے لوگ وہاں پہنچے تو دیکھا کہ لفٹ میں بچے بھی تھے جنہیں کسی طرح باہر نکالا گیا۔ حالانکہ کسی کو کوئی نقصان نہیں پہنچا ہے۔ لوگوں کا کہنا ہے کہ یہ حادثہ لفٹ ٹھیک حالت میں نہ ہونے کی وجہ سے پیش آیا۔ لفٹ لگانے کے بعد سے بلڈر کوئی دیکھ بھال نہیں کر رہا ہے۔
ہندوستھان سماچار/ افضل
/شہزاد
