ایس پی سٹی ساؤتھ نے تاجروں اور ٹرانسپورٹرز کے ساتھ پبلک میٹنگ کی
جموں، 3 جنوری (ہ س)۔ ایس پی سٹی ساؤتھ شاہین واحد نے اپنے ماتحت افسران کے ہمراہ نہرو ٹریڈرز فیڈریشن ویئر ہاؤس، نہرو مارکیٹ جموں اور مختلف یونین ہیڈ آف ٹرانسپورٹرز کے ساتھ ایک پولیس پبلک میٹنگ کی۔ میٹنگ میں مختلف تاجروں، ٹرانسپورٹرز اور دیگر اہم شخصیات نے شرکت کی جس میں منشیات، چوری کی وارداتوں اور دیگر متعلقہ امور کے حوالے سے تفصیلی غور وخوض کیا گیا۔
ایس پی سٹی ساؤتھ جموں نے شرکاء سے اپیل کی کہ اگر انہیں منشیات کی اسمگلنگ سے متعلق کوئی اطلاع ملتی ہے تو قریبی پولیس تھانے یا پولیس پوسٹ کو مطلع کریں۔ وہیں میٹنگ میں سڑکوں کی خستہ حالی، چوری کے واقعات، مقامی نوجوانوں کے روزگار وغیرہ کے حوالے سے دیگر اہم امور زیر بحث آئے۔ میٹنگ کے دوران ٹریڈرز فیڈریشن ویئر ہاؤس کی جانب سے ڈرائیوروں کو آگاہ کرنے کا مشورہ دیا گیا کہ وہ اپنی گاڑیوں میں کوئی بھی ناکارہ مواد نہ چھوڑیں کیونکہ اس سے مسافروں کی قیمتی جانوں کو خطرہ لاحق ہو گا۔ انہیں اسٹکی بموں کے ممکنہ خطرات کے بارے میں بھی آگاہ کیا گیا۔
ایس پی سٹی ساؤتھ جموں نے ٹریڈرز فیڈریشن ویئر ہاؤس، نہرو مارکیٹ جموں سے اپیل کی کہ وہ اپنے کاروباری ادارے میں سی سی ٹی وی کیمرے نصب کریں اور رات کے وقت چوکیدار تعینات کریں تاکہ مشکوک حرکات و سکنات پر زیادہ نظر رکھی جاسکے۔ ایس پی سٹی ساؤتھ جموں کے ہمراہ ایس ڈی پی او سٹی ساؤتھ جموں، ایس ایچ او پولیس تھانہ گاندھی نگر اور آئی، سی پی پی نہرو مارکیٹ نے عوام کو صبر سے سنا اور انہیں کم سے کم وقت میں حقیقی مطالبات کو حل کرنے کا یقین دلایا۔ اس کے علاوہ لوگوں کو اپنے علاقے میں جرائم سے متعلق معلومات کے اشتراک میں آگے آنے کی ترغیب دی گئی۔
ہندوستھان سماچار
/شہزاد
