کولکاتا، 26 دسمبر (ہ س)۔ مرکزی وزیر داخلہ امت شاہ اور بی جے پی کے صدر جے پی نڈا ایک روزہ دورے پر کولکاتا پہنچنے کے بعد منگل کو مشہور شکتی پیٹھ کالی گھاٹ پر پوجا کی۔ یہاں انہیں ماں کالی کی تصویر تحفے میں دی گئی ہے۔
شاہ اور نڈا پیر کی رات تقریباً 1:45 بجے کولکاتا ایئرپورٹ پہنچے۔ رات کے آرام کے بعد سب سے پہلے منگل کی صبح دونوں لیڈران کلکتہ کے جوراسنکو میں گرودوارہ بارہ سکھ سنگت پہنچے اور ویر بال دیوس کے موقع پر پرارتھنا کی۔ اس کے بعد کالی گھاٹ مندر کے لیے روانہ ہوئے۔ بی جے پی کے سرکردہ لیڈروں کے دورہ کے پیش نظر اس شکتی پیٹھ میں سخت حفاظتی انتظامات کئے گئے تھے۔ کولکاتا پولیس نے کچھ وقت کے لیے عام عقیدت مندوں کا یہاں داخلہ روک دیا تھا۔
امت شاہ اور نڈا نے یہاں ویدک رسومات کے مطابق ماں کالی کی پوجا کی۔ ان کی یہاں موجودگی کی خبر سے بی جے پی کارکنان کی بڑی تعداد بھی مندر کے احاطے میں پہنچ گئی تھی۔ نڈا اور امت شاہ نے ان کارکنوں کا ہاتھ ہلا کر ان کا استقبال کیا اور مندر کے اندر چلے گئے۔ یہاں پوجا کے بعد دونوں لیڈروں کو ماں کالی کی تصویر تحفے میں دی گئی۔ شاہ اور نڈا انتخابی حکمت عملی میٹنگ کے لیے بنگال پہنچ گئے ہیں۔ یہاں وہ مختلف محاذوں کے ساتھ پارٹی کے آئی ٹی سیل اور ریاستی سطح کے اعلیٰ لیڈروں کے ساتھ تین بڑی میٹنگیں کرنے والے ہیں۔
ہندوستھان سماچار
