نئی دہلی ۔
وزیر اعظم نریندر مودی منگل کو راجستھان اور گجرات کا دورہ کریں گے۔ اس دوران وہ پوکھرن میں ہندوستانی افواج کی کارکردگی دیکھیں گے۔ اس کے علاوہ 10 نئی وندے بھارت ٹرینوں کو احمد آباد سے جھنڈی دکھا کر روانہ کیا جائے گا۔ وزیر اعظم سابرمتی میں گاندھی آشرم میموریل کے ماسٹر پلان کا بھی آغاز کریں گے۔
وزیر اعظم کے دفتر کے مطابق، وزیر اعظم راجستھان کے پوکھرن میں تینوں فوجوں کے لائیو فائر اور مشقوں کی شکل میں دیسی دفاعی صلاحیتوں کے ایک مربوط نمائش کا مشاہدہ کریں گے۔ ریلوے کے بنیادی ڈھانچے اور رابطے کو فروغ دینے کے لیے، وزیر اعظم احمد آباد میں ڈی ایف سی کے آپریشنز کنٹرول سینٹر کا دورہ کریں گے اور سنگ بنیاد رکھیں گے اور 85 ہزار کروڑ روپے سے زیادہ کی لاگت والے کئی ریلوے پروجیکٹوں کو وقف کریں گے۔
وزیر اعظم احمد آباد-ممبئی سنٹرل، سکندرآباد-وشاکھاپٹنم، میسور-ڈاکٹر۔ ایم جی آر سنٹرل (چنئی)، پٹنہ-لکھنو، نیو جلپائی گوڑی-پٹنہ، پوری-وشاکھاپٹنم، لکھنو¿-دہرہ دون، کالابوراگی-سر ایم وشویشور یا ٹرمینل بنگلورو، رانچی-وارانسی، کھجوراہو-نظام الدین کے درمیان دس نئی وندے بھارت ٹرینیں بھی چلائی جائیں گی۔
وزیر اعظم چار وندے بھارت ٹرینوں کی توسیع کو بھی ہری جھنڈی دکھائیں گے۔ احمد آباد-جام نگر وندے بھارت کو دوارکا تک، اجمیر-دہلی سرائے روہیلا وندے بھارت کو چنڈی گڑھ تک بڑھایا جا رہا ہے، گورکھپور-لکھنو¿ وندے بھارت کو پریاگ راج تک اور ترواننت پورم-کساراگوڈ وندے بھارت کو منگلورو تک بڑھایا جا رہا ہے۔ اور دو نئی مسافر ٹرینیں بھی آسنسول اور ہٹیا اور تروپتی اور کولم اسٹیشنوں کے درمیان چلائی جائیں گی۔
