نئی دہلی، یکم فروری ۔ مرکزی وزیر خزانہ نرملا سیتا رمن جمعرات کو صبح 11 بجے لوک سبھا میں مالی سال 25-2024 کا عبوری مرکزی بجٹ پیش کریں گی۔ وزیر خزانہ کے طور پر نرملا سیتا رمن کا یہ چھٹا بجٹ ہے اور موجودہ لوک سبھا کا آخری بجٹ ہے۔ پارلیمنٹ میں بجٹ پیش کرنے کے بعد وزیر خزانہ شام 4 بجے میڈیا سے بھی خطاب کریں گی۔
وزارت خزانہ کے جاری کردہ بیان کے مطابق مرکزی وزیر خزانہ نرملا سیتا رمن آج لوک سبھا میں عبوری مرکزی بجٹ 2024 پیش کریں گی۔ عبوری بجٹ نئی حکومت کے قیام تک نظام کو چلانے کے لیے ضروری معاشی ضروریات کو پورا کرے گا۔ لوک سبھا انتخابات کے بعد نئی حکومت کی تشکیل کے بعد مکمل بجٹ پیش کیا جائے گا۔
وزارت کے مطابق وزیر خزانہ سیتا رمن چھٹی بار لوک سبھا میں اپنی بجٹ تقریر پڑھیں گی۔ وزیر خزانہ 9.15 پر پارلیمنٹ ہاؤس پہنچیں گی۔ صبح 10 بجے کابینہ کا اجلاس ہوگا جس کے بعد وزیر خزانہ 11 بجے ایوان میں بجٹ پیش کریں گے۔
وزارت کے مطابق گزشتہ تین مکمل مرکزی بجٹ کی طرح یہ عبوری مرکزی بجٹ بھی پیپر لیس ہوگا۔ اس سال عام انتخابات کے بعد نئی حکومت مکمل مرکزی بجٹ پیش کرے گی۔ وزیر خزانہ کی بجٹ تقریر کا براہ راست ٹیلی کاسٹ ڈی ڈی نیوز، آل انڈیا ریڈیو، وزارت خزانہ کے یوٹیوب چینل اور سنسد ٹی وی پر دیکھا جا سکتا ہے۔
