غزہ پٹی، 11 دسمبر (ہ س)۔ جنوبی غزہ کے مرکزی شہر خان یونس میں فلسطینی جنگجو تنظیم حماس کے خلاف اسرائیلی سیکورٹی فورسز کے حملے جاری ہیں۔ ادھر اسرائیلی فوج نے حماس کے کمانڈر عماد کریکے کو ہلاک کر دیا ہے۔ اس کے ساتھ ہی اسرائیل نے ہلاک ہوئے اپنے چار فوجیوں کے ناموں کا انکشاف کرتے ہوئے تصاویر بھی جاری کی ہیں۔
آئی ڈی ایف نے اپنے ایکس ہینڈل پر کہا کہ عماد کریکے حماس کی شیجائیہ بٹالین کا کمانڈر تھا۔ شیجائیہ بٹالین کے سابق کمانڈر کے مارے جانے سے پہلے وہ اس کا ڈپٹی کمانڈر تھا۔ کریکے غزہ سٹی بریگیڈ میں ٹینک شکن میزائل کی تربیت کا بھی ذمہ دار تھا۔ وہ کل اس حملے میں مارا گیا تھا۔ وہ حماس کا طاقتور کمانڈر تھا۔ اسرائیل کے معروف اخبار ٹائمز آف اسرائیل کے مطابق اسرائیلی سیکورٹی فورسز نے خان یونس پر رات گئے حملہ کیا۔ صبح کے وقت فضائی دفاعی نظام کو فعال کر دیا گیا ہے، جس سے جنوبی اسرائیل کے لوگوں کو حماس کے ممکنہ حملے سے آگاہ کیا گیا ہے۔
آئی ڈی ایف نے آج (پیر) غزہ پٹی پر جنگ کے 66ویں دن اپنے چار ہلاک ہونے والے فوجیوں کی تصاویر اور تفصیلات جاری کی ہیں۔ ان میں سارجنٹ55 ویں پیرا ٹروپرز بریگیڈ کے 35 سالہ میجر گیدون ایلانی، کریاتی بریگیڈ کی 8111 ویں بٹالین کے 36 سالہ میجر ایتے پیری، کریاتی بریگیڈ کی8111 ویں بٹالین کے 42 سالہ میجر ایوییٹر کوہن اور شمالی کمان کے 36ویں ڈویژن کے34سالہ میجر گیل بیچر شامل ہیں۔ آئی ڈی ایف نے کہا کہ چاروں افراد کل جنوبی اسرائیل میں ایک فوجی گاڑی سے تصادم میں مارے گئے۔ آئی ڈی ایف نے کہا ہے کہ اس جنگ میں اس کے 102 فوجی شہید ہو چکے ہیں۔
ہندوستھا ن سماچار
