تین ممالک میں آج علی الصبح زلزلے کے جھٹکوں سے لوگ خوفزدہ

تین ممالک میں آج علی الصبح زلزلے کے جھٹکوں سے لوگ خوفزدہ

۔ پاکستان میں شدت 4.2، چین میں 5.0 اور پاپوا نیو گنی میں 6.5 تھی

اسلام آباد/بیجنگ/پورٹ مورسبی، 28 نومبر (ہ س)۔ بھارت کے پڑوسی ممالک پاکستان اور چین کے علاوہ پاپوا نیو گنی میں آج (منگل) کی صبح آئے زلزلے سے لوگ خوفزدہ ہو گئے۔ تینوں ممالک میں زلزلے کے شدید جھٹکے محسوس کیے گئے۔ امریکی جیولوجیکل سروے نے یہ اطلاع دی۔

امریکی جیولوجیکل سروے کے مطابق پاپوا نیو گنی کے شمالی ساحل پر 6.5 شدت کے زلزلے کے جھٹکے محسوس کیے گئے۔ زلزلے کے جھٹکے ساحل سے تقریباً 20 کلومیٹر (12 میل) دور بحر الکاہل کے جزیرے کے مشرقی سیپک صوبے کے دارالحکومت ویواک شہر سے تھوڑے فاصلے پر محسوس کیے گئے۔

اس کے علاوہ پاکستان اور چین بھی زلزلے کے شدید جھٹکے سے لرز اٹھے۔ چین کے شہر جیجانگ میں 5.0 شدت کے زلزلے کے جھٹکے محسوس کیے گئے، پاکستان میں 4.2 شدت کے زلزلے کے جھٹکے محسوس کیے گئے۔ فی الحال تینوں ممالک سے کسی جانی یا مالی نقصان کی کوئی اطلاع نہیں ہے۔

حالیہ دنوں میں بھارت کے ایک اور پڑوسی ملک نیپال میں زلزلے سے بھاری تباہی ہوچکی ہے۔ کم از کم 157 افراد ہلاک ہوئے۔ ہندوستانی حکومت نے نیپال کو کافی مدد فراہم کی اور امدادی سامان بھیجا۔ اس کے علاوہ شدید زخمیوں کی بڑی تعداد کا بھارت میں علاج کیا گیا۔

ہندوستھان سماچار

/شہزاد