ممتا نے سنگور کو شمشان بنا دیا : شبھیندو
ہگلی، 28 نومبر (ہ س)۔ ہگلی ضلع کے سنگور میں منگل کی شام ایک جلسہ عام سے خطاب کرتے ہوئے ریاستی اسمبلی میں اپوزیشن لیڈر شبھیندو ادھیکاری نے ایک بار پھر ممتا بنرجی اور ترنمول کانگریس پر زوردار حملہ کیا۔ شبھیندو نے کہا کہ سنگور اور نندی گرام کی تحریکیں مختلف تھیں۔ نندی گرام کی تحریک کو عوامی حمایت حاصل تھی لیکن لوگ سنگور تحریک کے ساتھ نہیں تھے۔ اپنی خواہش کو پورا کرنے کے لیے ممتا بنرجی نے سنگور کو شمشان گھاٹ میں تبدیل کر دیا۔
بوا- بھتیجے (ممتا-ابھیشیک) پر طنز کرتے ہوئے، شبھیندو ادھیکاری نے کہا کہ بوا مرتے دم تک وزیر اعلیٰ رہنا چاہتی ہیں جبکہ بھتیجا بھی وزیر اعلیٰ بننا چاہتا ہے۔ دونوں کے درمیان رقم کی تقسیم کو لے کر جھگڑا چل رہا ہے۔
شبھیندو ادھیکاری نے ایک بار پھر رشڑا تشدد معاملے میں رشڑا بلدیہ کے وائس چیئرمین زاہد حسن خان اور آرام باغ کے رکن پارلیمنٹ اپروپا پودار کے شوہر شاکر علی کا نام لیا اور کہا کہ جلد ہی انہیں ان کے کئے کی سزا ملے گی۔ شبھیندو نے کہا کہ اب رام نومی پر کوئی پتھر نہیں پھینکے گا۔ اس کا انتظام کیا گیا ہے۔ شبھیندو 29 نومبر کو کولکاتا میں مرکزی وزیر داخلہ امت شاہ کی مجوزہ میٹنگ کی تیاری میں لوگوں سے خطاب کر رہے تھے۔
ہندوستھان سماچار
/شہزاد
