اپنی تصویر کی وجہ سے ہمیشہ تنازعات اور بحثوں میں رہنے والے عمران ہاشمی اس وقت ایک الگ وجہ سے خبروں میں ہیں۔ حال ہی میں ایک انٹرویو کے دوران عمران نے اپنے ایک پرانے متنازعہ بیان پر بیان دیا ہے۔ ‘کافی ود کرن’ میں عمران بالی ووڈ اداکارہ ایشوریہ رائے کے حوالے سے اپنے بیان کی وجہ سے کافی ٹرول ہوئے تھے۔
عمران ہاشمی نے 9 سال قبل شو کے ریپڈ فائر راو¿نڈ میں کرن کے سوالوں کا جواب دیتے ہوئے ایشوریہ کا ذکر دو بار کیا تھا۔ سوال یہ تھا کہ ”آپ ابھیشیک بچن سے کیا چرانا پسند کریں گے؟ کرن کے اس سوال پر عمران نے ابھیشیک کی اہلیہ یعنی ایشوریہ کا نام لیا اور ایشوریہ کا موازنہ پلاسٹک سے بھی کیا۔ یقیناً یہ سارا مزہ صرف کرن کے شوکے لیے تھا لیکن اس وقت عمران کو اس جواب کی وجہ سے کافی ٹرولنگ کا سامنا کرنا پڑا تھا۔
اس بارے میں میڈیا سے بات کرتے ہوئے انہوں نے کہا کہ اس طرح کی چیزیں آپ کے دشمنوں کو بڑھاتی ہیں اور ان چیزوں سے نمٹنا بہت مشکل ہے۔ اگر میں اب کافی ود کرن میں جاتا ہوں تو بھی اس طرح کا متنازعہ بیان دے کر مزید کنفیوزن پیدا کروں گا۔ انڈسٹری میں میری کسی سے کوئی دشمنی نہیں ہے، مجھے صرف اس شو سے وہ تحفہ چاہیے اور اسی لیے مجھے ایسے عجیب و غریب جوابات دینے پڑتے ہیں۔
عمران ہاشمی نے جب ایشوریہ رائے کا پلاسٹک سے موازنہ کیا تو انہیں کافی ٹرول کیا گیا اور اس پر انہیں کھلے عام معافی مانگنی پڑی۔ اس وقت عمران نے کہا تھا کہ ’میرا کسی کو تکلیف دینے کا کوئی ارادہ نہیں تھا، میں خود ایشوریہ کا مداح ہوں۔ یہ چیٹ شوز کا طریقہ ہے، آپ کو اس طرح کا جواب دینا ہوگا ورنہ آپ کو تحفہ نہیں ملے گا۔ میں ایشوریا کے کام کی بہت عزت کرتا ہوں۔
