’ گلوبل اسٹار “ پرینکا چوپڑا کئی ماہ بعد ممبئی آئی ہیں۔ آج صبح پپرازی نے انہیں ہوائی اڈے پر دیکھا۔ پرینکا نے بہن پرینیتی چوپڑا کی شادی میں شرکت نہیں کی تھی لیکن اب وہ مامی فلم فیسٹیول میں شرکت کے لیے آئی ہیں۔ یہ فیسٹیول آج سے شروع ہو رہا ہے اور یہ فلم فیسٹیول 5 نومبر تک چلے گا۔
پرینکا چوپڑا کی اسٹائلش نظر بلیک کراپ ٹاپ ، گرے پینٹ ، بلیک جیکٹ تھی۔ اس کے علاوہ گلے میں ’ مالتی ‘نام کا لاکٹ بھی دلکش تھا۔ جیسے ہی پرینکا ایئرپورٹ سے باہر آئیں پپرازیوں نے انہیں گھیر لیا۔ نیٹیزنز نے دیکھا کہ اداکارہ اس بار قدرے نروس نظر آئیں۔ اس کے علاوہ، پرینکا کو اکیلے آتے دیکھا گیا اور مداحوں کو مایوسی ہوئی کیونکہ ان کی بیٹی مالتی مریم ان کے ساتھ نہیں تھیں۔
پرینکا کے کام کے بارے میں بات کریں تو وہ حال ہی میں ویب سیریز’سیٹاڈیل‘ میں نظر آئیں۔ انہوں نے ہالی ووڈ فلم ’ لوو اگین‘ میں بھی مرکزی کردار ادا کیا تھا۔ اب وہ آنے والی فلموں ’ ہیڈز آف اسٹیٹس ‘ اور ” اٹس آل کمنگ بیک ٹو “ میں نظر آئیں گی۔
ہندوستھان سماچارمحمدخان
