بالی ووڈ پروڈیوسر اور ہدایت کار کرن جوہر کا مقبول شو ‘کافی ود کرن’ ان دنوں اپنے آٹھویں سیزن میں ہے۔ رنویر سنگھ، دیپیکا پدوکون، سنی دیول، بوبی دیول سے لے کر ورون دھون، سدھارتھ ملہوترا تک اس نئے سیزن میں نظر آئے ہیں۔
رانی مکھرجی اور کاجول، دونوں اس نئے ایپی سوڈ میں نظر آئیں۔ ‘کچھ کچھ ہوتا ہے’ کے بعد ان دونوں کو پہلی بار ایک ساتھ دیکھ کر بہت سے ناظرین خوش تھے۔ اس نئے ایپی سوڈ میں دونوں نے کافی کھل کر بات کی۔ اسی انٹرویو کے دوران کرن نے رانی مکھرجی اور آدتیہ چوپڑا کی سیکرٹ ویڈنگ کا بھی انکشاف کر دیا۔ رانی اور آدتیہ کی شادی 2014 میں ہوئی تھی لیکن کرن نے انکشاف کیا کہ ان کی شادی کی تقریب اتنی خفیہ تھی کہ وہ صرف اس پر بھروسہ کر سکتے تھے۔
کرن نے کہا،”آدتیہ دنیا میں میرا سب سے اچھا دوست ہے ، ہم اکثر اس کی اور رانی کی شادی کے بارے میں بات کرتے رہے ہیں۔ یہ ایک ڈیسٹی نیشن ویڈنگ تھی۔ آج بھی میں کسی کو یہ نہیں بتا سکتا کہ ان کی شادی کہاں ہوئی تھی، کیوں کہ اتنے سال گزرنے کے بعد بھی آدتیہ مجھ پر چیختے تھے۔ وہ مجھے دیوالی پر لی گئی تصویریں بھی شیئر کرنے نہیں دیتا۔ جب اس نے مجھے اپنی شادی کے بارے میں بتایا تو اس نے مجھے سخت وارننگ دی۔ انہوں نے کہا کہ شادی میں صرف 18 لوگوں کو مدعو کیا گیا ہے اور صرف آپ ہی ہیں ،جو اس بارے میں بول سکتے ہیں، اس لیے اگر اس شادی کی خبر سامنے آتی ہے تو آپ کی طرف سے ہی آ سکتی ہے۔ اس زمانے میں اخبارات کی اچھی کھپت تھی۔“
کرن نے مزید کہا کہ اس شادی کے لیے مجھے اپنی ماں سے جھوٹ بولنا پڑا۔ ہماری فلم’2 اسٹیٹس‘ اپریل 2014 میں ریلیز ہونے والی تھی۔ میں اس وقت فلم کی ریلیز پر بھی نہیں جا سکا تھا۔ مجھے جھوٹ بول کر شادی میں آنا پڑا کہ مانچسٹر میں میراایک پروگرام ہے۔ میں ان چیزوں کو کبھی نہیں بھولوں گا۔“
آدتیہ اور رانی 2014 میں شادی کے بندھن میں بندھے اور اگلے ہی سال انہیں ایک پیاری بیٹی کی پیدائش ہوئی جس کا نام آدیرا ہے ۔
ہندوستھان سماچار
