69 ویں نیشنل فلم ایوارڈز میں بہترین اداکار کا ایوارڈ جیتنے کے بعد ساوتھ انڈسٹری کے سپر اسٹار الو ارجن کے مداحوں میں زبردست جوش و خروش ہے۔ ایوارڈ حاصل کرنے کے بعد اداکار الو ارجن جب حیدرآباد میں اپنے گھر واپس پہنچے تو ان کے مداحوں اور اہل خانہ نے ان کا شاندار استقبال کیا۔
الو ارجن کے مداحوں کی کچھ تصاویر اور ویڈیوز سوشل میڈیا پر وائرل ہو رہی ہیں، جن میں ہزاروں مداح اپنے پسندیدہ اداکار پر پھولوں کی پتیاں نچھاور کرتے نظر آ رہے ہیں۔ اداکار الو ارجن جب حیدرآباد واپس آئے تو ان کا شاندار استقبال کیا گیا۔ یہ ایوارڈ ملنے کے بعد ان کے مداح بہت پرجوش تھے۔ شائقین نے الو ارجن پر پھول نچھاور کیے اور ڈھول تاشوں کے ساتھ ان کا استقبال کیا۔ مداحوں کی محبت اور خیرمقدم سے مغلوب الو ارجن خود کو مداحوں کے ساتھ بات چیت کرنے سے نہیں روک سکے۔ وہ اپنی گاڑی سے باہر آئے ، ہاتھ جوڑ کر سب کا شکریہ ادا کیا۔ یہی نہیں ،انہوں نے کئی مداحوں سے ہاتھ بھی ملایا۔ اس بار اداکار بلیک لِک میں نظر آئے۔
ارجن کو سال 2021 کی فلم ‘پشپا’ کے لیے 69ویں نیشنل فلم ایوارڈز کی تقریب میں بہترین اداکار کا ایوارڈ ملا ہے۔ یہ الو ارجن کا اپنے 20 سالہ فلمی کیریئر میں پہلا نیشنل ایوارڈ ہے۔الو ارجن قومی فلم ایوارڈ جیتنے والے پہلے تیلگو اداکار بن گئے ہیں۔ اداکار نے اس جیت پر خوشی کا اظہار کرتے ہوئے سوشل میڈیا پر ایک پوسٹ شیئر کی ہے۔ انہوں نے کہا، ”میں قومی ایوارڈ حاصل کرنے پر فخر محسوس کرتا ہوں۔ میں اس ایوارڈ کے لیے جیوری، وزارت، مرکزی حکومت کا شکریہ ادا کرنا چاہوں گا۔ یہ ایوارڈ صرف ایک انفرادی کارنامہ نہیں ہے، بلکہ ان تمام لوگوں کے لیے ہے جنہوں نے ہمارے سنیما کی حمایت اور تعریف کی ہے۔ شکریہ، سوکمار گرو۔ آپ میری کامیابی کی وجہ ہیں۔“
ہندوستھان سماچار
