اجے دیوگن 2018 کی ہٹ فلم ریڈ کے سیکوئل میں آئی آر ایس آفیسر امے پٹنائک کے کردار کو دوبارہ ادا کرنے کے لیے تیار ہیں۔’ریڈ -2‘ نامی اس کرائم ڈرامے میں اجے کے ساتھ وانی کپور مرکزی کردار میں ہیں۔ اب ایک اور اداکار اس فلم میں اپنی موجودگی کا احساس دلانے کے لیے تیار ہیں۔ وہ اداکار کوئی اور نہیں بلکہ رتیش دیش مکھ ہیں۔ وہ اس فلم میں ولن کا کردار ادا کریں گے۔اس سے قبل فلم’ایک ولن‘ میں منفی کردار ادا کر کے رتیش نے سب کو اپنا نوٹس لینے پر مجبور کر دیا تھا۔ اب ایک بار پھر رتیش ولن کے کردار میں نظر آئیں گے۔ اس بار ان کا مقابلہ اجے دیوگن سے ہوگا۔ رتیش دیش مکھ پہلی بار سلور اسکرین پر اجے دیوگن کے ساتھ جلوہ گر ہوں گے۔ فلم کی شوٹنگ گزشتہ ہفتے ممبئی میں شروع ہوئی تھی اور اس کی شوٹنگ ممبئی ، دہلی ، اتر پردیش اور راجستھان میں کی جائے گی۔
فلم کی ایک جھلک اجے دیوگن نے سوشل میڈیا پر شیئر کی۔ فلم’ریڈ -2‘ ایک سچے واقعے پر مبنی کہانی ہے۔ ناظرین کو ڈبل ڈرامہ اور سسپنس کے ساتھ مزاح بھی دیکھنے کو ملے گی۔ ’ریڈ -2‘ کو بھوشن کمار ، کمار منگت پاٹھک ، ابھیشیک پاٹھک اور کرشنا کمار نے اپنے بینرز ٹی سیریز اور پینوراما اسٹوڈیوز کے تحت پروڈیوس کیا ہے۔ یہ فلم رواں سال 15 نومبر کو سینما گھروں میں نمائش کے لیے پیش کی جائے گی۔
ہندوستھان سماچار
