ریتک روشن اور دیپیکا پدوکون کی فلم ‘فائٹر’ ان دنوں خبروں میں ہے۔ اس فلم کا ٹریلر ابھی چند روز قبل ہی ریلیز ہوا تھا۔ ٹریلر کو شائقین کی جانب سے زبردست رسپانس ملا۔ یہی نہیں اس فلم کے گانوں نے بھی شائقین کو اپنا دیوانہ بنا دیا ہے۔ فلم 25 جنوری کو ریلیز ہو رہی ہے۔ تاہم نمائش سے ایک روز قبل فلم ‘فائٹر’ کے میکرز کو بڑا دھچکا لگا ہے۔
ایک طرف بھارتی شائقین میں فلم ’فائٹر‘ کا جنون ہے تو دوسری جانب خلیجی ممالک میں فلم پر پابندی عائد کر دی گئی ہے۔ متحدہ عرب امارات کے علاوہ تمام خلیجی ممالک میں ‘فائٹر’ کی نمائش پر پابندی عائد کر دی گئی ہے۔ تاہم ابھی تک اس پابندی کی وجہ سامنے نہیں آئی ہے۔ فلم بزنس ایکسپرٹ اور پروڈیوسر گریش جوہر نے ٹویٹ کرکے یہ جانکاری دی۔ خلیجی ممالک میں پابندی کے باعث فلم ‘فائٹر’ کے میکرز کو بڑا دھچکا لگا ہے۔ اس پابندی سے فلم کی کمائی پر بڑا اثر پڑ سکتا ہے۔
اس دوران سی بی ایف (سینٹرل بورڈ آف فلم) نے ‘فائٹر’ کے کچھ ڈائیلاگ اور سین کاٹ دیے ہیں۔ سی بی ایف کی تجویز کے مطابق فلم میں کچھ تبدیلیاں کی گئی ہیں۔ سی بی ایف نے فلم سے کچھ قابل اعتراض الفاظ کو ہٹانے یا خاموش کرنے کا حکم دیا ہے۔ فلم سے جنسی جذباتی مناظر کو ہٹانے کا مشورہ بھی دیا گیا ہے۔ فلم میں سگریٹ نوشی مخالف پیغام کو ہندی میں بھی دکھانے کو کہا گیا ہے۔
نمائش سے پہلے ہی اس فائٹر نے ہندوستان میں ایڈوانس بکنگ سے بھاری رقم کمائی ہے۔ اب تک اس فلم کے 86 ہزار 516 ٹکٹس فروخت ہو چکے ہیں اور اس سے فلم نے 2.84 کروڑ روپے کما لیے ہیں۔ معلومات کے مطابق اس فلم کی سب سے زیادہ ایڈوانس ٹکٹ بکنگ مہاراشٹر میں ہوئی ہے۔ سدھارتھ آنند کی ہدایت کاری میں بننے والی اس فلم میں انیل کپور، کرن سنگھ گروور، اکشے اوبرائے اور طلعت عزیز بھی مرکزی کردار ادا کر رہے ہیں۔
ہندوستھان سماچار
