کم عمر لڑکی کی عصمت دری کے بعد جان سے مارنے کی دھمکی
فتح پور، 13 نومبر (ہ س)۔ فتح پور ضلع میں گزشتہ روز دوپہر کے وقت ایک کم عمر لڑکی کے ساتھ دو بد معاشوں نے عصمت دری کو انجام دیا اور جان سے مارنے کی دھمکی دے کر فرار ہو گئے۔ پیر کو اہل خانہ نے پولیس سے شکایت کی اور مقدمہ درج کرواکے کارروائی کا مطالبہ کیا۔ پولیس نے کیس درج کرکے معاملے کی تحقیقات شروع کردی ہے۔
پولیس کو درخواست دیتے ہوئے کھاگا کوتوالی علاقے کے ایک گاؤں کے رہائشی نے بتایا کہ وہ گاؤں میں رہتا ہے اور گھر میں مویشی پال کر اور محنت مزدوری کر کے اپنی روزی کماتا ہے۔ اتوار کی شام گھر والے مویشیوں کے لیے چارہ لینے گئے تھے۔ بیٹی گھر میں اکیلی تھی۔ اس دوران پڑوس میں رہنے والے فاروق اور عارف گھر میں گھس گئے اور لڑکی کے ساتھ عصمت در کو انجام دیا۔ لڑکی کی چیخ و پکار کی آواز سن کر اہل محلہ موقع پر پہنچ گئے۔ دونوں بدمعاش موقع سے فرار ہو گئے اور دھمکی دی کہ اگر کسی کو واقعہ کے بارے میں بتایا تو جان سے مار دیں گے۔
پڑوسیوں سے واقعہ کی اطلاع ملتے ہی گھر والے گھر پہنچے۔ لڑکی نے اپنے گھر والوں کو بتایا کہ اس کے ساتھ کیا ہوا ہے۔ اس پر اہل خانہ متاثرہ کو ساتھ لے کر کھاگا تھانے پہنچے اور پولیس کو درخواست دی۔
پولیس اسٹیشن کے انچارج انسپکٹر تیج بہادر سنگھ نے پیر کو بتایا کہ متاثرہ کے خاندان کی شکایت پر مقدمہ درج کیا گیا ہے۔ تفتیش میں عصمت دری کا واقعہ سامنے آیا ہے۔
ہندوستھان سماچار
/شہزاد
