جبل پور میں نہیں رک رہی چاقوبازی، اب حملہ آوروں نے بی جے پی کارکن کو چاقو سے گودا
جبل پور، 28 دسمبر (ہ س)۔ جبل پور میں گزشتہ کچھ دنوں سے چاقو بازی کی واردات مسلسل ہو رہی ہیں۔ پولیس کی سستی کے باعث شہر میں جرائم پیشہ عناصر کے حوصلے بلند ہیں۔ ہر روز کسی نہ کسی تھانہ علاقے میں چاقو بازی کی واردات ہونا عام بات ہوگئی ہے۔ بائک پر سوار نصف درجن نامعلوم حملہ آوروں نے بھارتیہ جنتا یوا مورچہ کے ایک کارکن پر سول لائنز تھانے کے تحت ویٹرنری کالج کے مین گیٹ کے سامنے چاقو سے حملہ کیا۔ شدید زخمی نوجوان کو نجی اسپتال میں داخل کرایا گیا ہے۔
حملے کی خبر پھیلتے ہی لوگوں کی بڑی تعداد جمع ہونے لگی اور ہنگامہ آرائی شروع ہوگئی جس کے بعد پولیس نے موقع پر پہنچ کر اسے کنٹرول کیا۔ پولیس کے مطابق دیول مشرا نامی بھارتیہ جنتا یوا مورچہ کا کارکن، جو ایک ایگزیکٹیو ممبر ہے، گھر سے کہیں جا رہا تھا، ویٹرنری کالج کے قریب دو بائک پر آئے چھ حملہ آوروں نے انہیں روکا۔ جیسے ہی وہ گاڑی سے نیچے اترے، حملہ آوروں نے ان پر چاقووں سے پے در پے حملہ کردیا، جس سے وہ گر گئے۔ حملہ آور حملے کے بعد فرار ہو گئے۔
راہگیروں نے پولیس کو اطلاع دی، اس کے بعد سول لائنز اور اومتی تھانے کی فورس موقع پر پہنچی اور زخمیوں کو اسپتال میں داخل کرایا۔ پولیس کے مطابق زخمی ابھی بیان دینے کی پوزیشن میں نہیں ہیں، اس لیے حملہ آوروں کی شناخت نہیں ہوسکی اور نہ ہی وجہ معلوم ہوسکی ہے۔ پولیس آس پاس کے سی سی ٹی وی کی بنیاد پر ملزمان کی تلاش کر رہی ہے۔
ہندوستھان سماچار
/شہزاد
