خام تیل میں تیزی کے باوجود پٹرول اور ڈیزل کی قیمتوں میں تبدیلی نہیں

خام تیل میں تیزی کے باوجود پٹرول اور ڈیزل کی قیمتوں میں تبدیلی نہیں

نئی دہلی، 20 اکتوبر (ہ س)۔ اسرائیل حماس تنازعہ کے درمیان بین الاقوامی بازار میں خام تیل کی قیمتوں میں اضافے کا رجحان ہے۔ گزشتہ 24 گھنٹوں میں برینٹ کروڈ کی قیمت 94 ڈالر فی بیرل تک پہنچ گئی ہے اور ڈبلیو ٹی آئی کروڈ بھی 91 ڈالر فی بیرل کے قریب ہے۔ تاہم پبلک سیکٹر آئل اینڈ گیس مارکیٹنگ کمپنیوں نے پٹرول اور ڈیزل کی قیمتوں میں کوئی تبدیلی نہیں کی ہے۔

انڈین آئل کی ویب سائٹ کے مطابق جمعہ کو دارالحکومت دہلی میں پٹرول 96.72 روپے جبکہ ڈیزل 89.62 روپے، ممبئی میں پٹرول 106.31 روپے جبکہ ڈیزل 94.27 روپے، کولکاتا میں پٹرول 106.03 روپے جبکہ ڈیزل 92.76 روپے، چنئی میں پٹرول 102.63 روپے جبکہ ڈیزل 94.24 روپے فی لیٹر کی شرح پر دستیاب ہے۔

بین الاقوامی بازار میں ہفتے کے پانچویں روز ابتدائی تجارت میں برینٹ کروڈ 0.87 ڈالر یعنی 0.94 فیصد اضافے کے ساتھ 93.25 ڈالر فی بیرل پر کاروبار کر رہا ہے۔ وہیں ویسٹ ٹیکساس انٹرمیڈیٹ (ڈبلیو ٹی آئی) کروڈ بھی 1.22 ڈالر یعنی 1.37 فیصد اضافے کے ساتھ 90.59 ڈالر فی بیرل پر کاروبار کر رہا ہے۔

ہندوستھان سماچار

/شہزاد