نئی دہلی، 26 اکتوبر (ہ س)۔ مرکزی حکومت نے باسمتی چاول کی برآمد کی کم از کم قیمت 1200 ڈالر فی ٹن سے گھٹا کر 950 ڈالر فی ٹن کر دی ہے۔ حکومت نے یہ قدم ان خدشات کے درمیان اٹھایا ہے کہ باسمتی چاول کی زیادہ قیمت کی وجہ سے برآمدات متاثر ہوں گی۔
وزارت تجارت اور صنعت نے جمعرات کو ایکسپورٹ پروموشن باڈی اے پی ای ڈی اے کو بھیجے گئے ایک خط میں یہ اطلاع دی ہے۔ وزارت تجارت نے کہا ہے کہ باسمتی چاول کی برآمد کے لیے معاہدہ رجسٹریشن کی قیمت کی حد کو 1200 ڈالر فی ٹن سے بڑھا کر 950 ڈالر فی ٹن کرنے کا فیصلہ کیا گیا ہے۔
وزارت نے ایگریکلچرل اینڈ پروسیسڈ فوڈ پروڈکٹس ایکسپورٹ ڈیولپمنٹ اتھارٹی (اے پی ای ڈی اے) کو ہدایت کی ہے کہ وہ صرف ان کنٹریکٹس کو رجسٹر کریں جن کی قیمت 950 ڈالرفی ٹن یا اس سے زیادہ ہے۔ درحقیقت چاول کے برآمد کنندگان کی تنظیمیں گزشتہ دو ماہ سے اس بنیادی قیمت میں کمی کا مطالبہ کر رہی تھیں۔ دریں اثنا، خوراک کی وزارت نے 15 اکتوبر کو کہا تھا کہ حکومت بنیادی قیمت کو کم کرنے کے لیے صنعت کی مانگ پر غور کر رہی ہے۔
ہندوستھان سماچار
