اسٹاک مارکیٹ میں مسلسل چھٹے دن گراوٹ، سرمایہ کاروں کو 3 لاکھ کروڑ کا نقصان
۔ سینسیکس میں 64 ہزار پوائنٹس اور نفٹی میں 19 ہزار پوائنٹس کی گراوٹ
نئی دہلی، 26 اکتوبر (ہ س)۔ امریکی مارکیٹ کی کمزوری اور مشرق وسطیٰ میں بڑھتی ہوئی کشیدگی کے باعث آج گھریلو شیئر مارکیٹ بھی بری طرح متاثر ہوئے۔ مایوسی کے ماحول میں گھریلو شیئر بازار 1.40 فیصد تک گراوٹ کے ساتھ بند ہوئی۔ آج کا کاروبار کمزوری کے ساتھ شروع ہوا۔ دن بھر بازار پر فروخت کنندگان کا کنٹرول رہا، جس کی وجہ سے سینسیکس 1.41 فیصد کی گراوٹ کے ساتھ بند ہوا اور نفٹی 1.39 فیصد کی گراوٹ کے ساتھ بند ہوا۔ آج کی زبردست گراوٹ کی وجہ سے سرمایہ کاروں کو تقریباً 3 لاکھ کروڑ روپئے کا نقصان ہوا ہے۔
بی ایس ای سینسیکس آج 274.90 پوائنٹس کی گراوٹ کے ساتھ 63,774.16 پوائنٹس کی سطح پر کھلا۔ کاروبار شروع ہوتے ہی مارکیٹ میں فروخت کا دباؤ تھا جس کی وجہ سے انڈیکس نیچے کی طرف پھسلتا رہا۔ تاہم، آخری لمحات میں، انٹرا ڈے سیٹلمنٹ کی وجہ سے خرید کی حمایت کے ساتھ، سینسیکس نے نچلی سطح سے ہلکی سی بحالی کی اور 900.91 پوائنٹس کی کمزوری کے ساتھ 63,148.15 پوائنٹس پر بند ہوا۔
سینسیکس کی طرح، این ایس ای کے نفٹی نے آج 94.90 پوائنٹس گر کر 19,027.25 پوائنٹس پر تجارت شروع کی۔ مارکیٹ کھلتے ہی شروع ہونے والی فروخت کی وجہ سے یہ انڈیکس بھی مسلسل گرتا رہا۔ تاہم، آخری لمحے میں معمولی خریداری کی وجہ سے، نفٹی نے نچلی سطح سے تقریباً 20 پوائنٹس کی بازیافت کی اور 264.90 پوائنٹس کی گراوٹ کے ساتھ 18,857.25 پوائنٹس پر بند ہوا۔
پورے دن کی تجارت کے بعد بازار حصص کے بڑے اسٹاکس میں، ایکسس بینک آج کے 1.74 فیصد، آئی ٹی سی 0.38 فیصد، ایچ سی ایل ٹکنالوجی 0.23 فیصد، اڈانی پورٹس 0.16 فیصد اور انڈس انڈ بینک 0.14 فیصد اضافے کے ساتھ آج کے ٹاپ 5 گینرس کی فہرست میں شامل ہوئے۔ دوسری طرف، مہندرا اینڈ مہندرا 4.02 فیصد، بجاج فائنانس 3.54 فیصد، یو پی ایل 3.29 فیصد، ایشین پینٹس 3.28 فیصد اور بجاج فنسر 3.19 فیصد کی کمزوری کے ساتھ آج کے ٹاپ 5 خسارہ اٹھانے والوں کی فہرست میں شامل ہوئے۔
ہندوستھان سماچار
/شہزاد
