نئی دہلی ۔
کولکاتہ نائٹ رائڈرس کے مینٹور گوتم گمبھیر نے ٹیم کے اہم آل راو¿نڈر کھلاڑی سنیل نارائن کو لے کر بڑا رد عمل دیا ہے۔ انہوں نے کہا کہ کے کے آر میں ان کی واپسی سے سنیل نارائن کافی زیادہ خوش ہیں۔ گمبھیر کے مطابق ان کا اور سنیل نارائن کا رشتہ کافی پرانا ہے اور دونوں کافی وقت سے ایک دوسرے کو جانتے ہیں۔گوتم گمبھیر کی قیادت میں کے کے آر نے2012اور2014میں آئی پی ایل کا ٹائٹل خطاب جیتا تھا اور کافی زبر دست مظاہرہ کیا تھا ۔ گمبھیر نے 2017میں کے کے آر کے لئے اپنا آخری سیزن کھیلا تھا ۔ اس کے بعد وہ دہلی کیپیٹلس کے ساتھ جڑھ گئے تھے۔ دہلی کے لئے ایک سیزن کھیلنے کے بعد انہوں نے آئی پی ایل سے ریٹائرمنٹ لے لیا تھا ۔ پچھلے دو سیزن میں گمبھیر لکھنو¿ کی ٹیم میں مینٹور کا کردار نبھا رہے تھے اور ٹیم کو دونوں ہی بار پلے آف میں پہنچایا تھا حالانکہ اس سیزن سے گمبھیر نے کے کے آر میں واپسی کی ہے۔
گوتم گمبھیر کے آتے ہی سیل نارائن کافی بہترین مظاہرہ کرنے لگے ہیں ابھی تک اوپن کرتے ہوئے انہوں نے کئی زبر دست پاریاں کھلی ہیں ۔ گمبھیر نے پریس کانفرنس کے دوران سنیل نارائن کو لے کر رد عمل دیا ہے۔ انہوں نے کہ جب میں کے کے آر میں واپس آیا تو سنیل نارائن کافی خوش تھے۔ ہمارے درمیان کا رشتہ کافی پرانا ہے۔ مجھے ابھی بھی وہ 2012اور2014کا سیزن یاد ہے۔ میں بھلے ہی پچھلے چھ سال سے ٹیم کا حصہ نہیں تھا لیکن ہمارے درمیان آپسی رشتے اتنے ہی مضبوط تھے۔ جس طرح سے سنیل نارائن نے اس سیزن میں پرفارم کیا ہے وہ اس میں بھی کافی خوش ہیں۔
بتا دیں کہ سنیل نرائن نے اپنے آئی پی ایل کریئر میں صرف کے کے آر کے لئے ہی کھیلا ہے۔ گوتم کی کپتانی میں انہوں نے کافی زیادہ مقابلے کھیلے تھے۔
