میڈرڈ، ۔ ٹور ڈی فرانس کے دو مرتبہ کے فاتح جوناس وِنگیگارڈ جمعرات کوا سپین میں ٹور آف دی باسک کنٹری (اٹزولیا) سائیکل ریس کے دوران حادثے میں شدید زخمی ہو گئے، جس کی وجہ سے وہ اس سال کی ریس اور اولمپک گیمز سے باہر ہو گئے ہیں۔
ونگیگارڈ کی ویزما-لیز اے بائیک ٹیم نے اطلاع دی کہ وہ تیز رفتاری سے اترنے کے دوران ایک کونے میں سڑک کی ناہموار سطح کی وجہ سے گر پڑے اور ان کے کالر کی ہڈی اور کئی پسلیاں ٹوٹ گئیں۔
ونگیگارڈ ٹیم نے کہا،”یہ ایک خوفناک حادثہ تھا، لیکن خوش قسمتی سے وہ مستحکم اور ہوش میں ہے۔ وہ احتیاط کے طور پر اسپتال میں موجود ہے۔ آپ کے تمام پیغامات کے لیے آپ کا شکریہ“۔
حادثے میں چھ دیگر سائیکل سوار زخمی ہوئے، جنہیں اسپتال لے جایا گیا، جن میں آسٹریلوی جے وائن اور عالمی چیمپیئن ریمکو ایونپول بھی شامل ہیں، وائنز کو سروائیکل ورٹیبرا کے فریکچر اور چھاتی کی ریڑھ کی ہڈی کے دو فریکچر کی تشخیص ہوئی۔ وائن کی متحدہ عرب امارات کی ٹیم ایمریٹس نے ایک بیان میں کہا، ”خوش قسمتی سے، کوئی نیو رولوجیکل پریشانی نہیں تھی اور نہ ہی کوئی دوسری سنگین چوٹیں یا کھوپڑی کی چوٹیں تھیں۔“
موجودہ عالمی چیمپیئن ریمکو ایونپول (سوڈل کوئیک اسٹیپ) بھی ایک حادثے میں اپنے کالر کی ہڈی اور اسکاپولا ٹوٹنے کے بعد ٹور میں شک میں ہے۔ ان کی ٹیم نے تصدیق کی کہ اسے آپریشن کی ضرورت ہے۔
اوور نائٹ ریس لیڈر پریموز روگلیچ (بورا – ہانسگروہ) کو بھی حادثے میں زخمی ہونے کے بعد پیچھے ہٹنا پڑا۔
