پہلے میچ میں اوڈیشہ جوگرناٹس کا مقابلہ راجستھان واریئرز سے
نئی دہلی ، 13 دسمبر (ہ س)۔
الٹیمیٹ کھو کھو سیزن 2کی شروعات 24 دسمبر 2023 کٹک ، اڈیشہ کے جواہر لال نہرو انڈور اسٹیڈیم میں شروع ہورہا ہے۔ پہلے میچ میں میزبان اور دفاعی چمپئن اوڈیشہ جوگرناٹس کا مقابلہ راجستھان واریئرز سے ہوگا۔دریں اثنا افتتاحی سیزن میں رنر اپ تیلگو واریئرس کا مقابلہ دن کے دوسرے میچ میں ممبئی کھلاڑی سے ہوگا۔ 24 دسمبر سے 9 جنوری 2024 کے درمیان کھیلے جانے والے 30 میچوں کے لیگ مرحلے کے دوران تمام ٹیمیں دو بار آمنے سامنے ہوں گی۔
کھو کھو فیڈریشن آف انڈیا کے تعاون سے امیت برمن کے ذریعہ پروموٹ کیا گیا ، الٹیمیٹ کھو کھو کے سیزن 2 میں ہائی آکٹین میچز اور سنسنی خیز ایکشن دیکھنے کو ملے گا ، خاص طور پر اس کے کامیاب افتتاحی سیزن کے بعد۔ لیگ حال ہی میں برطانیہ میں قائم بی این پی گروپ سے سیریز اے کی فنڈنگ حاصل کرنے والی پہلی ہندوستانی اسپورٹس لیگ بن گئی۔چھ ٹیموں کے ٹورنامنٹ میں چنئی کوئیک گنز (کے ایل او اسپورٹس کی ملکیت) ، گجرات جائنٹس (اڈانی اسپورٹس لائن) ، ممبئی کھلاڑی (جانہوی دھاریوال بالن ، پونیت بالن اور بادشاہ) ، اوڈیشہ جوگرناٹس (اڈیشہ حکومت) ، راجستھان واریئرز (کیپری گلوبل گروپ) شامل ہیں۔ اور تیلگو واریرس (جی ایم آر اسپورٹس)۔ لیگ مرحلے ڈبل راو¿نڈ رابن کی بنیاد پر کھیلے جائیں گے۔ ٹاپ 4 ٹیمیں 11 جنوری 2024 کو کھیلے جانے والے سیمی فائنل کے لیے کوالیفائی کریں گی۔ فائنل 13 جنوری 2024 کو کھیلا جائے گا۔وشال شرما، لیگ کے ڈائریکٹر اور الٹیمیٹ کھو کھو کے سی او او نے کہا ’ افتتاحی سیزن کی ناقابل یقین کامیابی کی بنیاد پر ، ہم الٹیمیٹ کھو کھو کے سیزن 2 کو شروع کرنے کے لیے بہت پرجوش ہیں۔ شدید میچوں ، دلچسپ نئے ٹیلنٹ اور بڑھتے ہوئے مداحوں کی تعداد کے ساتھ ، ہم اس سیزن کو مزید بڑا اور بہتر بنانے کے لیے پرعزم ہیں۔ یہ لیگ محض ایک مقابلے سے زیادہ نہیں ہے۔ یہ کھو کھو کی طاقت اور چستی کو ظاہر کرنے ، ایتھلیٹوں کی اگلی نسل کو متاثر کرنے اور ہندوستان میں کھیلوں کے ایک متحرک ماحولیاتی نظام کی ترقی میں تعاون کرنے کا ایک پلیٹ فارم ہے۔
ہندوستھان سماچار
