اپنی دادی کی موت کی وجہ سے آئی پی ایل 2024 سے دستبردار ہو ئے ہیری بروک
نئی دہلی، 14 مارچ ۔ انگلینڈ کے بلے باز ہیری بروک نے آئی پی ایل 2024 سے اپنا نام واپس لے لیا ہے کیونکہ ان کی دادی کا فروری میں انتقال ہو گیا تھا اور وہ اپنے خاندان کے ساتھ رہنا چاہتے ہیں۔
بروک نے بدھ کو ایک سرکاری بیان میں کہا، ’’میں نے آنے والے آئی پی ایل میں نہیں کھیلنے کا بہت مشکل فیصلہ لیا ہے۔ میں دہلی کیپٹلس کی طرف سے منتخب ہونے پر بہت پرجوش تھا اور سب کے ساتھ شامل ہونے کا منتظر تھا۔ حالانکہ مجھے نہیں لگتا کہ مجھے اس فیصلے کے پیچھے اپنی ذاتی وجوہات بتانے کی ضرورت ہے، میں جانتا ہوں کہ بہت سے لوگ اس کی وجہ پوچھیں گے کہ ایسا کیوں ہے۔ اس لیے میں اسے شیئر کرنا چاہتا ہوں۔‘‘
انہوں نے کہا، ’’میں نے گزشتہ ماہ اپنی دادی کو کھو دیا – وہ میرے لیے ایک چٹان تھیں اور میں نے اپنے بچپن کا ایک بڑا حصہ ان کے گھر میں گزارا۔ زندگی کے تئیں میرا نظریہ اور کرکٹ سے محبت کے بارے میں ان کے اور میرے آنجہانی دادا نے تشکیل دیا تھا۔ جب گھر پر ہوتا تو وہاں ہوتا شاید ہی کوئی دن ایسا گیا ہو جس میں انہیں دیکھنا شامل نہ ہو۔ یہ مجھے بہت خوشی دیتا ہے کہ وہ مجھے انگلینڈ کے لیے کرکٹ کھیلتے ہوئے دیکھ پائیں۔ مجھے فخر ہے کہ وہ ان کچھ ایوارڈز کو جمع کر سکیں جو میں نے گزشتہ کچھ سالوں میں جیتے ہیں۔‘‘
بروک یو اے ای میں پری ٹور ٹریننگ کیمپ کا حصہ بننے کے بعد جنوری سے مارچ تک ہندوستان میں انگلینڈ کی حالیہ پانچ ٹیسٹ میچوں کی سیریز سے بھی دستبردار ہو گئے تھے۔ انہوں نے یو اے ای میں ٹیم چھوڑ دی اور پہلے میچ کے لیے حیدرآباد نہیں گئے۔
25 سالہ بروک نے 2023 کے سیزن میں اپنا آئی پی ایل ڈیبیو کیا تھا جب سن رائزرز حیدرآباد نے انہیں 2022 میں پاکستان میں ٹی 20 ای میں دکھائے گئےپاور- ہیٹنگ کی بنیاد پر 13.25 کروڑ روپے (تقریباً 1.6 ملین امریکی ڈالر) میں خریدا تھا۔ اپنے پہلے آئی پی ایل سیزن میں، حالانکہ بروک نے 11 میچوں میں 123.37 کی اسٹرائیک ریٹ سے صرف 190 رن بنائے۔ ان میں سے ایک اننگز کے کے آر کے خلاف 55 گیندوں پر ناقابل شکست 100 رن تھی۔
