یورو 2024 کوالیفائر : پرتگال نے بوسنیا اور ہرزیگووینا کو 0-5 سے ہرایا
ساراجیوو، 17 اکتوبر (ہ س)۔ پرتگال نے پیر کو یو ای ایف اے یورو 2024 کوالیفائر کے گروپ جے میں بوسنیا اور ہرزیگووینا (بی آئی ایچ) کو 0-5 سے شکست دی۔ پرتگال کی جانب سے اسٹار کرسٹیانو رونالڈو نے دو، برونو فرنینڈس، جواو کینسلو اور جواو فیلکس نے ایک ایک گول کیا۔
پرتگال نے میچ میں مضبوط آغاز کیا اور کرسٹیانو رونالڈو نے میچ کے پانچویں منٹ میں پنالٹی پر گول کر کے اپنی ٹیم کو 0-1 کی برتری دلا دی۔ میچ کے 20ویں منٹ میں رونالڈو نے میچ کا اپنا دوسرا گول کر کے پرتگال کی برتری کو 0-2 کر دیا۔
اس کے بعد میچ کے 25ویں منٹ میں برونو فرنینڈس نے ایک اور گول کر کے اپنی ٹیم کی برتری 0-3 کر دی۔ اس گول کے سات منٹ بعد جواو کینسلو نے گول کر کے پرتگال کی برتری کو 0-4 کر دیا۔ ہاف ٹائم سے چار منٹ قبل جواو فیلکس نے میچ کے 41ویں منٹ میں گول کر کے برتری کو 0-5 کر دیا۔ پرتگالی ٹیم ہاف ٹائم میں 0-5 سے آگے تھی۔
ہاف ٹائم کے بعد دونوں ٹیموں کے درمیان شاندار فٹ بال دیکھنے میں آیا تاہم دونوں ٹیمیں گول کرنے میں ناکام رہیں اور پرتگال نے میچ 0-5 سے جیت لیا۔ پرتگال اب آٹھ جیت کے ساتھ گروپ میں سرفہرست ہے، جب کہ بی آئی ایچ پانچویں نمبر پر آ گیا، جس سے اس نے جرمنی میں اگلے موسم گرما کے ٹورنامنٹ کے لیے کوالیفائی کرنے کا موقع گنوا دیا ہے۔
ہندوستھان سماچار
/شہزاد
