۔دہلی، پنجاب، ہریانہ، راجستھان میں 30 سے زیادہ کیس درج
۔سونی پت میں گریہ پرویش کے لیے 6 گھنٹے کی حراستی پیرول بھی دی گئی
سونی پت، ۔ دہلی کی دوارکا عدالت نے گینگسٹر سندیپ عرف کالا جٹھیڑی کو شادی کرنے کے لیے حراستی پیرول دے دیا ہے۔ جٹھیڑی 12 مارچ کو جیل سے باہر آکر دہلی میں شادی کرے گا۔ اس کے ساتھ، اسے 13 مارچ کو سونی پت میں اپنے گریہ پرویش کے لئے 6 گھنٹے کی حراستی پیرول دی گئی ہے۔ کالا جٹھیڑی اس وقت دہلی کی تہاڑ جیل میں قید ہے ۔ دہلی، پنجاب، ہریانہ، راجستھان میں اس پر 30 سے زیادہ کیس درج ہیں۔
سندیپ عرج جٹھیڑی پر قتل، جبراً وصولی ، قتل کی کوشش جیسے مقدمات میں نامزد کیا گیا ہے۔ اسے پولیس نے 30 جولائی 2021 کو سہارنپور، اتر پردیش سے گرفتار کیا تھا۔ دہلی پولیس نے مہاراشٹرا کنٹرول آف آرگنائزڈ کرائم ایکٹ (مکوکا) نافذ کر دیا ہے۔ اس کے ساتھ راجستھان کی لیڈی ڈان کے نام سے مشہور انورادھا چودھری کو بھی گرفتار کیا گیا تھا۔ کالا جٹھیڑی کو اسپیشل سیل نے سہارنپور، یوپی سے گرفتار کیا تھا۔ کالا جٹھیڑی کو لارنس بشنوئی کا خاص تصور کیا جاتا ہے۔ وہ ہریانہ کے سونی پت ضلع کے گاوں جٹھیڑ ی کا رہنے والا ہے۔ اس کی گرفتاری سے قبل، پولیس نے سندیپ عرف کالا جٹھیڑی پر 7 لاکھ روپے کا انعام رکھا تھا، جو طویل عرصے سے جرائم کی دنیا سے وابستہ تھا۔ دہلی پولیس کے اسپیشل سیل کے علاوہ کئی ریاستوں کی پولیس اس کی تلاش میں تھی۔
فراری کے دوران اس نے ہی لارنس گینگ کو سنبھال رکھا تھا۔ دہلی سمیت 4 ریاستوں میں اس گینگ کا دبدبہ ہے۔ لارنس بشنوئی اس وقت سرخیوں میں آیا جب 2018 میں اس نے بالی ووڈ اسٹار سلمان خان کو جان سے مارنے کی دھمکی دی۔ فرید آباد پولیس نے لارنس گینگ کے شوٹروں کو گرفتار کیا تھا، جو ممبئی میں سلمان کے گھر کی ریکی کرکے آئے تھے۔
ہریانہ کے سونی پت، جھجھر، روہتک اور دہلی میں کالا جٹھیڑی گینگ سب سے زیادہ سرگرم ہے۔ لارنس اور کالا جٹھیڑی کی ملاقات جیل میں ہی ہوئی۔ لارنس گینگ پر ہی پنجاب میں گلوکار سدھو موسوالا، راجپوت کرنی سینا کے صدر سکھدیو سنگھ گوگامیڈی اور راجستھان میں راجو ٹھیہٹ کے قتل کا الزام ہے۔
